രാജ്യത്തുടനീളം തക്കാളിയുടെ വില കുതിച്ചുയരുന്ന സാഹചര്യമാണ്. വില കൂടുന്നതിനോടൊപ്പം തക്കാളി മോഷണവും കൂടികൊണ്ടിരിക്കുകയാണ് എന്നതാണ് പുറത്തു വരുന്ന വാർത്തകളിൽ നിന്നും വ്യക്തമാകുന്നത്.
താക്കളിക്ക് വില കൂടിയതില് പിന്നെ നിരവധി മോഷണ വാര്ത്തകളാണ് റിപ്പോര്ട്ട് ചെയ്യുന്നത്. ഇപ്പോൾ മഹാരാഷ്ട്രയിലെ ഛത്രപതി സംഭാജിനഗറിലെ കർഷകൻ മോഷണം ഭയന്ന് തന്റെ വയലിൽ സിസിടിവി ക്യാമറകൾ സ്ഥാപിച്ചിരിക്കുകയാണ് എന്ന വാർത്തയാണ് പുറത്തു വരുന്നത്. ഉയർന്ന വിലയുള്ള സാഹചര്യത്തിലാണ് ഫാമിൽ ക്യാമറ സ്ഥാപിക്കാൻ കർഷകൻ തീരുമാനിച്ചത്.
മഹാരാഷ്ട്രയിൽ തക്കാളിയുടെ വില കിലോഗ്രാമിന് ഏകദേശം 160 രൂപയാണ്. 22,000 രൂപ ചെലവഴിച്ചാണ് കർഷകൻ തന്റെ വയലിൽ ക്യാമറകൾ സ്ഥാപിച്ചത്. ഇത് വളരെ അത്യാവശ്യം ആണെന്നും കർഷകനായ ശരദ് റാവട്ടെ പറഞ്ഞു.
പ്രതികരിക്കാൻ ഇവിടെ എഴുതുക