കൊച്ചി: സംവിധായകൻ സിദ്ദിഖിന്റെ ഖബറടക്കം ഇന്ന് ഔദ്യോഗിക ബഹുമതികളോടെ നടക്കും. എറണാകുളം ജുമാമസ്ജിദ് ഖബർസ്ഥാനിൽ വൈകീട്ട് 6 മണിക്ക് ഖബറടക്കം നടക്കും. കടവന്ത്ര ഇൻഡോർ സ്റ്റേഡിയത്തിൽ രാവിലെ ഒമ്പത് മുതൽ പൊതുദർശനമുണ്ടാകും. തുടര്ന്ന് മൃതദേഹം അദ്ദേഹത്തിന്റെ വസതിയിലേക്ക് കൊണ്ടുപോകും.
മലയാളിയുടെ സിനിമാസ്വാദനത്തെ ഹാസ്യരസത്തിന്റെ പുതിയ തലങ്ങളിലേക്കുയർത്തിയ പ്രിയ സംവിധായകനായിരുന്നു സിദ്ദിഖ്. 63 വയസ്സായിരുന്നു. ഹൃദയാഘാതത്തെ തുടർന്ന് കൊച്ചി അമൃത ആശുപത്രിയിൽ ചികിത്സയിൽ കഴിയവെ ചൊവ്വാഴ്ച രാത്രിയോടെയാണ് മരണം സംഭവിച്ചത്.
പപ്പന് പ്രിയപ്പെട്ട പപ്പന്, നാടോടിക്കാറ്റ്, റാംജി റാവു സ്പീക്കിങ്, ഇന് ഹരിഹര് നഗര്, ഗോഡ്ഫാദര്, മക്കള് മാഹാത്മ്യം, കാബൂളിവാല, മാന്നാര് മത്തായി സ്പീക്കിങ്, അയാള് കഥയെഴുതുകയാണ്, ക്രോണിക് ബാച്ചിലര്, ഫ്രണ്ട്സ്, കിംഗ് ലെയര്, ബോഡി ഗാര്ഡ്, മക്കള് മാഹാത്മ്യം തുടങ്ങിയ ഹിറ്റ് ചിത്രങ്ങള് പ്രേക്ഷകര്ക്ക് സമ്മാനിച്ചു.
പ്രതികരിക്കാൻ ഇവിടെ എഴുതുക