ഒല പുതിയ ഇവി മോഡലുകൾ ഇന്ത്യയിൽ അവതരിപ്പിച്ചു. ഒല S1 X , S1X+ എന്നീ മോഡലുകളാണ് വാഹന നിർമ്മാതാക്കൾ പുതിയതായി പുറത്തിറക്കിയിരിക്കുന്നത്.
ഒലയുടെ ഏറ്റവും വില കുറഞ്ഞ വാഹനങ്ങളാണ് ഇവ. 79,999 രൂപയാണ് S1 Xന്റെ പ്രാരംഭ വില. S1X+ എന്ന മോഡലിന് 99,999 രൂപയാണ് വില വരിക. ഈ മോഡലിന്റെ ബുക്കിംഗ് ഇന്ന് ആരംഭിച്ചു. വാഹനങ്ങളുടെ ഡെലിവറി ഡിസംബറിൽ ആരംഭിക്കും.
‘ഐസ് കില്ലർ’ എന്നാണ് ഈ മോഡലിനെ കമ്പനി വിശേഷിപ്പിക്കുന്നത്. 2 kWh, 3 kWh എന്നിങ്ങനെ രണ്ട് ബാറ്ററി ഓപ്ഷനുകളിൽ ഈ മോഡൽ ലഭ്യമാണ്.
S1X+ 3 kWh ബാറ്ററി പാക്കിലാണ് വിപണിയിലെത്തുന്നത്. 99,999 രൂപയാണ് ഇതിന്റെ പ്രാരംഭ വില. എന്നാൽ ഓഗസ്റ്റ് 24ന് ശേഷം സ്കൂട്ടറിന് 1.09 ലക്ഷം രൂപ (എക്സ്-ഷോറൂം) വിലവരും. 150 കിലോമീറ്ററാണ് ഈ മോഡലിന്റെ റേഞ്ച്. S1X+ ന് 90 കിലോമീറ്റർ വേഗതയുണ്ട്. ഈ മോഡലിന് 3.3 സെക്കൻഡിനുള്ളിൽ 0-40 കിലോമീറ്റർ വേഗത കൈവരിക്കാനും സാധിക്കും. 34 ലിറ്ററിന്റെ ബൂട്ട് സ്പേസ് ആണ് ഇതിനുള്ളത്.
S1X, S1X+ എന്നീ മോഡലുകൾക്കൊപ്പം രണ്ടാം തലമുറ S1 Pro, S1 Air എന്നീ മോഡലുകളും കമ്പനി അവതരിപ്പിച്ചു. രണ്ടാം തലമുറയിലുള്ള S1 Proയുടെ വില 1.47 ലക്ഷം രൂപയാണ്. ഈ മോഡലിന്റെ ബുക്കിംഗ് ഇന്ന് ആരംഭിച്ചു. ഇതിന്റെ ഡെലിവറി സെപ്റ്റംബർ പകുതിയോടെ ആരംഭിക്കും.
പ്രതികരിക്കാൻ ഇവിടെ എഴുതുക