കലാപം രൂക്ഷമായിക്കുന്ന മണിപ്പൂരിൽ വൻ ആയുധവേട്ടയും മയക്കുമരുന്ന് വേട്ടയും. റെയ്ഡിൽ തോക്കുകളും വെടിക്കോപ്പുകളും സ്ഫോടക വസ്തുക്കളും പിടികൂടി എന്നാണ് പുറത്തു വരുന്ന റിപ്പോർട്ട്. ഇംഫാൽ വെസ്റ്റ്, ബിഷ്ണുപൂർ, ചുരാചന്ദ്പൂർ, തെങ്നൗപാൽ, കാങ്പോക്പി ജില്ലകളിലാണ് റെയ്ഡ് നടന്നത്.
ഈ സ്ഥലങ്ങളിൽ പൊലീസ് പരിശോധന കർശനമാക്കിയിട്ടുണ്ട്. ഇംഫാൽ ഈസ്റ്റ്, മണിപ്പൂർ അതിർത്തിയിൽ നിന്നും നാർക്കോട്ടിക്സ് & അഫയേഴ്സ് ഓഫ് ബോർഡർ മയക്കുമരുന്ന് പിടികൂടി. 4 പേർ അറസ്റ്റിലായി എന്നാണ് പുറത്തു വരുന്ന വിവരം.
അതേസമയം സ്വാതന്ത്ര്യദിനത്തില് രാജ്യത്തെ അഭിസംബോധന ചെയ്ത് സംസാരിക്കവേ പ്രധാനമന്ത്രി നരേന്ദ്രമോദി മണിപ്പൂര് വിഷയം പരാമര്ശിച്ചിരുന്നു. മണിപ്പൂരില് കലാപം അവസാനിപ്പിക്കാന് കേന്ദ്ര-സംസ്ഥാന സര്ക്കാരുകള് ശ്രമിച്ചുവരികയാണെന്ന് പ്രധാനമന്ത്രി പറഞ്ഞു. മണിപ്പൂര് അശാന്തിയിലാണ്. നിരവധി പേര്ക്ക് ജീവന് നഷ്ടമായി. നിര്ഭാഗ്യകരമായ സംഭവങ്ങളാണ് മണിപ്പൂരില് നടക്കുന്നത്. മണിപ്പൂരില് ഉടന് സമാധാനം പുനസ്ഥാപിക്കുമെന്നും പ്രധാനമന്ത്രി നരേന്ദ്രമോദി പറഞ്ഞിരുന്നു.
പ്രതികരിക്കാൻ ഇവിടെ എഴുതുക