ഉത്തേജകമരുന്ന് പരിശോധനയില് പരാജയപ്പെട്ട ഇന്ത്യന് സ്പ്രിന്റര് ദ്യുതി ചന്ദിന് നാലു വര്ഷ വിലക്ക് ലഭിച്ചതായി റിപ്പോർട്ട് . കഴിഞ്ഞ വര്ഷം ഡിസംബറില് നടത്തിയ രണ്ട് ഉത്തേജക മരുന്ന് പരിശോധനകളിലും താരം പരാജയപ്പെട്ടിരുന്നു. ഇതോടെ ആണ് 100 മീറ്റര് ഓട്ടത്തില് ഇന്ത്യയിലെ വേഗമേറിയ താരമായ ദ്യുതിക്ക് ദേശീയ ഉത്തേജക വിരുദ്ധ ഏജന്സി നാലു വര്ഷ വിലക്കേര്പ്പെടുത്തിയത്.
പാട്യാലയില് നടന്ന ഇന്ത്യന് ഗ്രാന്പ്രിക്സില് 100 മീറ്റര് ദൂരം 11.17 സെക്കന്ഡില് ഓടിയെത്തിയാണ് ദ്യുതി രാജ്യത്തേ വേഗമേറിയ വനിതാ അത്ലറ്റായത്. ജനുവരി മൂന്ന് മുതല് മുന്കാല പ്രാബല്യത്തോടെയാണ് ദ്യുതിക്ക് വിലക്ക് ഏര്പ്പെടുത്തിയിരിക്കുന്നത്.
ഡിസംബര് അഞ്ചിനും 26നും ആണ് നാഡ ദ്യുതിയുടെ സാംപിളുകള് പരിശോധനക്കായി എടുത്തത്. രണ്ട് പരിശോധനകളിലും ഉത്തേജക മരുന്നിന്റെ സാന്നിധ്യം കണ്ടെത്തി. തുടര്ന്ന് ഏഴ് ദിവസത്തിനകം ബി സാംപിള് പരിശോധനക്ക് അവസരമുണ്ടായിരുന്നങ്കിലും ദ്യുതി അതിന് തയാറായില്ല.
അതേസമയം വിലക്ക് നിലവില് വന്ന കാലയളവുമുതല് ദ്യുതി പങ്കെടുത്ത മത്സരങ്ങളിലെ ഫലങ്ങളും മെഡലുകളും അസാധുവായി പ്രഖ്യാപിക്കുമെന്ന് ദേശീയ ഉത്തേജക വിരുദ്ധ ഏജന്സി അധ്യക്ഷ ചൈതന്യ മഹാജന് പറഞ്ഞു.
പ്രതികരിക്കാൻ ഇവിടെ എഴുതുക