സൂപ്പർസ്റ്റാർ രജനികാന്തിന്റെ ‘ജയിലർ’ ഒടിടിയിൽ എത്തുന്നുയെന്ന് റിപ്പോർട്ട്. സെപ്റ്റംബർ 7ന് നെറ്റ്ഫ്ളിക്സിൽ സ്ട്രീം ചെയ്യുമെന്നാണ് റിപ്പോർട്ട്.
ഓഗസ്റ്റ് 10ന് റിലീസ് ചെയ്ത ജയിലർ ഇപ്പോഴും പല തീയറ്ററുകളിലും ഹൗസ്ഫുള്ളാണ്. ആദ്യ ആഴ്ചയിൽ ഒരു സിനിമയ്ക്ക് ലഭിക്കുന്ന ഏറ്റവും വലിയ കളക്ഷൻ എന്ന റെക്കോർഡും ജയിലർ സ്വന്തമാക്കിയിരുന്നു.
നിലവിൽ കോളിവുഡിലെ ആദ്യ മൂന്ന് ഹിറ്റുകളിൽ ഇടംനേടിയിട്ടുണ്ട് ജയിലർ. ഒന്നാം സ്ഥാനം രജനിയുടെ തന്നെ 2.0യ്ക്കാണ്. രണ്ടാം സ്ഥാനം പൊന്നിയൻ സെൽവൻ 1 നേടി. മൂന്നാം സ്ഥാനത്താണ് നിലവിൽ ജയിലർ.
മലയാളത്തിന്റെ സൂപ്പർ സ്റ്റാർ മോഹൻലാലും കന്നഡ സൂപ്പർസ്റ്റാർ ശിവ രാജ്കുമാറും അതിഥി വേഷത്തിൽ എത്തിയ ചിത്രത്തിൽ ജാക്കി ഷ്രോഫ്, രമ്യാ കൃഷ്ണൻ, തമന്ന, വിനായകൻ തുടങ്ങി നിരവധി താരങ്ങൾ അഭിനയിക്കുന്നുണ്ട്.
പ്രതികരിക്കാൻ ഇവിടെ എഴുതുക