അട്ടപ്പാടിയില് ഗര്ഭസ്ഥ ശിശു മരിച്ചതായി റിപ്പോർട്ട്. അഗളി കള്ളക്കര ഊരിലെ മീന-വെള്ളിങ്കിരി ആദിവാസി ദമ്പതികളുടെ കുഞ്ഞാണ് മരിച്ചത്. തൃശൂര് മെഡിക്കല് കോളേജില് ഇന്നലെ രാത്രിയായിരുന്നു മരണം.
കുഞ്ഞിന് അനക്കമില്ലാത്തതിനെ തുടര്ന്ന് ശസ്ത്രക്രിയയിലൂടെ പുറത്തെടുത്തെങ്കിലും മരിച്ചതായി സ്ഥിരീകരിക്കുകയായിരുന്നു. അതേസമയം ശിശുവിന് തൂക്ക കുറവൊന്നും ഉണ്ടായിരുന്നില്ലെന്നാണ് ഡോക്ടര്മാരില് നിന്ന് ലഭിക്കുന്ന വിവരങ്ങള്.
എന്നാൽ മാതാവിന് അരിവാള് രോഗമുണ്ടായിരുന്നു. ഇതിന് ചികിത്സയും തേടിയിരുന്നു. അരിവാള് രോഗം മൂലമുള്ള പ്രശ്നമാണോ ഗര്ഭസ്ഥ ശിശുവിനെ ബാധിച്ചതെന്ന് വ്യക്തത വരേണ്ടതുണ്ട്.
പ്രതികരിക്കാൻ ഇവിടെ എഴുതുക