തിരുവനന്തപുരം: ട്രെയിനുകളുടെ സമയത്തില് മാറ്റം വരുത്തുന്നതായി റെയില്വേ. ചില ട്രെയിനുകള് ഭാഗികമായി റദ്ദാക്കിയിട്ടുമുണ്ട്. ട്രാക്ക് അറ്റകുറ്റപ്പണിക്ക് സമയം കണ്ടെത്തുന്നതിനായി ആണ് ഈ തീരുമാനം. തീയതി റെയില്വേ ഉടന് അറിയിക്കും.
തിരുവനന്തപുരം- ഹൈദരാബാദ് ശബരി എക്സ്പ്രസ് ഷൊര്ണൂര് സ്റ്റേഷനില് പോകില്ല. പകരം ഇരു ദിശകളിലേക്കുമുള്ള സര്വീസില് വടക്കാഞ്ചേരിയില് സ്റ്റോപ്പ് അനുവദിക്കും.
കൊല്ലത്തു നിന്നും രാത്രി 9.33 നുള്ള ആലപ്പുഴ വഴിയുള്ള എറണാകുളം മെമു ഇനി കോട്ടയം വഴിയാകും സര്വീസ് നടത്തുക. മംഗലൂരു- നാഗര്കോവില് ഏറനാട് എക്സ്പ്രസ് തിരുവനന്തപുരത്ത് യാത്ര അവസാനിപ്പിക്കും.
തൃശൂര്- കോഴിക്കോട് എക്സ്പ്രസ് ഷൊര്ണൂര് വരെയാകും സര്വീസ് നടത്തുക. കോഴിക്കോട്- ഷൊര്ണൂര് എക്സ്പ്രസ് പൂര്ണമായും റദ്ദാക്കി. കണ്ണൂര്- കോയമ്പത്തൂര് എക്സ്പ്രസ് രാവിലെ 6.20 ന് പകരം രാവിലെ ആറു മണിക്ക് പുറപ്പെടും.
പ്രതികരിക്കാൻ ഇവിടെ എഴുതുക