തിരുവനന്തപുരം: കെപിസിസി അധ്യക്ഷന് കെ സുധാകരന് മാനസിക രോഗമാണെന്ന പരാമർശവുമായി എല്ഡിഎഫ് കണ്വീനര് ഇപി ജയരാജന്. മുഖ്യമന്ത്രിയെ പോത്ത് എന്ന് വിളിച്ചത് അധഃപതനമാണ്. സുധാകരനെ പ്രസിഡന്റ് സ്ഥാനത്ത് നിന്ന് നീക്കം ചെയ്യാൻ കോൺഗ്രസ് ദേശീയ നേതൃത്വം തയ്യാറാകണം. ഇത്തരം മാനസിക രോഗമുള്ളവര് ഇരിക്കേണ്ട കസേര അല്ല അതെന്നും ഇപി ജയരാജന് പ്രതികരിച്ചു. പുതുപ്പള്ളിയില് ഇടതുപക്ഷ സ്ഥാനാര്ത്ഥിയായ ജെയ്ക്ക് സി തോമസ് വൻ ഭൂരിപക്ഷത്തോടെ വിജയിക്കുമെന്നും ഇപി പറഞ്ഞു.
സുധാകരന്റെ പോത്ത് പരാമര്ശത്തിനെതിരെ മന്ത്രി വിഎന് വാസവനും പ്രതികരിച്ചിരുന്നു. പോത്ത് പരാമര്ശം ചേരുന്നത് സുധാകരന് തന്നെയാണെന്നും കെപിസിസി പ്രസിഡന്റ് സ്ഥാനത്തിന് യോജിക്കാത്ത പരാമര്ശമാണ് സുധാകരന് നടത്തിയതെന്നും വിഎന് വാസവന് വ്യക്തമാക്കി. പ്രതികരിക്കേണ്ട വിഷയങ്ങളിലൊക്ക മുഖ്യമന്ത്രി പിണറായി വിജയന് പ്രതികരിച്ചിട്ടുണ്ട്. പുതുപ്പള്ളിയില് യുഡിഎഫിന് അര ലക്ഷത്തിന് മുകളില് ഭൂരിപക്ഷം കിട്ടുമെന്നത് വെറും സ്വപ്നമാണെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക