ന്യൂഡല്ഹി: രാജ്യത്ത് പഞ്ചസാര വില കൂടുന്നു. കഴിഞ്ഞ രണ്ടാഴ്ചയ്ക്കിടെ മാത്രം ഏകദേശം മൂന്ന് ശതമാനത്തിലധികം വര്ദ്ധനവാണ് വിലയിൽ രേഖപ്പെടുത്തിയത്. നിലവില് കഴിഞ്ഞ ആറ് വര്ഷത്തിനിടയിലെ ഏറ്റവും ഉയര്ന്ന വിലയാണ് പഞ്ചസാരയ്ക്ക് വ്യാപാരികളും വാണിജ്യ രംഗത്ത് പ്രവര്ത്തിക്കുന്നവരും പറയുന്നു. രാജ്യത്ത് കരിമ്പ് കൃഷി ചെയ്യുന്ന പ്രധാന മേഖലകളില് മഴ ലഭ്യത കുറഞ്ഞത് പഞ്ചസാര ഉത്പാദനത്തെ ബാധിച്ചു തുടങ്ങിയതാണ് ഇപ്പോഴത്തെ വില വര്ദ്ധനവിന് കാരണമായി വ്യക്തമാക്കുന്നത്.
വില വര്ദ്ധിക്കുന്ന പശ്ചാത്തലത്തില് പഞ്ചസാര കയറ്റുമതിക്കും സംഭരണത്തിനും കേന്ദ്ര സര്ക്കാര് നിയന്ത്രണം കൊണ്ടുവരുമെന്ന റിപ്പോർട്ടുകൾ പുറത്തുവരുന്നു. ആഗോള തലത്തിലും പഞ്ചസാരയ്ക്ക് ഒരു ദശാബ്ദത്തിനിടയിലെ ഏറ്റവും ഉയര്ന്ന വിലയ്ക്ക് അടുത്തേക്ക് നീങ്ങുകയാണ്.
പ്രതികരിക്കാൻ ഇവിടെ എഴുതുക