പത്തനംതിട്ട മൈലപ്രയില് പൊലീസ് വാഹനം കടയിലേക്ക് ഇടിച്ചുകയറിയുണ്ടായ അപകടത്തില് പൊലീസിനെതിരെ ഗുരുതര ആരോപണവുമായി നാട്ടുകാര് രംഗത്ത്. അപകട സമയത്ത് ഡിവൈഎസ്പിയും സംഘവും മദ്യലഹരിയില് ആയിരുന്നെന്നാണ് ദൃക്സാക്ഷികള് പറയുന്നത്.
അപകടമുണ്ടാക്കിയ വാഹനം അതിവേഗം സ്ഥലത്ത് നിന്ന് മാറ്റി എന്നും ഡിവൈഎസ്പിയുടെ വൈദ്യപരിശോധന നടത്തിയില്ലെന്നും ആരോപണമുണ്ട്.
ഇന്നലെ രാത്രിയായിരുന്നു മൈലപ്രയില് പൊലീസ് വാഹനം കടയ്ക്കുള്ളിലേക്ക് ഇടിച്ചുകയറി അപകടമുണ്ടായത്. കാഞ്ഞിരപ്പള്ളി ഡിവൈഎസ്പിയുടേതായിരുന്നു വാഹനം. വാഹനത്തിന്റെ നിയന്ത്രണം വിട്ടതാകാം അപകടകാരണമെന്ന് ആദ്യം കരുതിയെങ്കിലും പിന്നീടാണ് പൊലീസുകാര് മദ്യപിച്ചിരുന്നെന്ന് ദൃക്സാക്ഷികള് പറഞ്ഞത്. സംഭവത്തില് ഡിവൈഎസ്പിക്കും ഒപ്പമുണ്ടായിരുന്ന ഉദ്യോഗസ്ഥര്ക്കും നിസാര പരുക്കേറ്റിരുന്നു. പൊലീസ് ജീപ്പ് ഡിവൈഡറും ഇടിച്ചുതകര്ത്ത് കടയിലേക്ക് പാഞ്ഞുകയറുകയായിരുന്നു.അപകടത്തിന് പിന്നാലെ മറ്റൊരു പൊലീസ് ജീപ്പ് സ്ഥലത്തെത്തിയാണ് പരുക്കേറ്റവരെ മാറ്റിയത്. അമിത വേഗതയിലായിരുന്നു പൊലീസ് വാഹനമെന്നും നാട്ടുകാര് പറയുന്നു.
പ്രതികരിക്കാൻ ഇവിടെ എഴുതുക