യാത്രക്കാരുടെ എണ്ണത്തില് കുതിപ്പുമായി തിരുവനന്തപുരം രാജ്യാന്തര വിമാനത്താവളം. ഓഗസ്റ്റ് മാസത്തില് 3.73 ലക്ഷം പേരാണ് എയര്പോര്ട്ട് വഴി യാത്ര ചെയ്തത്. 2022 ഓഗസ്റ്റിനെ അപേക്ഷിച്ച് 26 ശതമാനം വര്ദ്ധനവാണ് ഈ വര്ഷം രേഖപ്പെടുത്തിയിരിക്കുന്നത്. യാത്രക്കാരുടെ എണ്ണം കൂടുന്നതിനനുസരിച്ചു കൂടുതല് സൗകര്യങ്ങള് ഒരുക്കാനുള്ള പദ്ധതികളും തിരുവനന്തപുരം രാജ്യാന്തര വിമാനത്താവളത്തില് പുരോഗമിക്കുകയാണ്.
പ്രതിദിനം ശരാശരി 12,000ലേറെ പേരാണ് വിമാനത്താവളം വഴി യാത്ര ചെയ്യുന്നത്. പ്രതിദിനം വന്നുപോകുന്ന വിമാനങ്ങള് എണ്പതിലേറെയാണ്. കഴിഞ്ഞ മാസം ആകെ 2416 വിമാനങ്ങളാണ് സര്വീസ് നടത്തിയത്. ആഴ്ചയില് ശരാശരി 126 സര്വീസുകളാണ് നിലവില് വിദേശ രാജ്യങ്ങളിലേക്കുള്ളത്. ഇന്ത്യന് നഗരങ്ങളിലേക്കുള്ള സര്വീസുകളുടെ എണ്ണം 154 ആണ്.
മുംബൈ, ഡല്ഹി എന്നിവിടങ്ങളിലേക്ക് സര്വീസുകളുടെ എണ്ണം കൂടിയതോടെ നിരക്ക് കുറയുകയും വിദേശത്തേക്കുള്ള കണക്ടിവിറ്റി വര്ധിക്കുകയും ചെയ്തു.
പ്രതികരിക്കാൻ ഇവിടെ എഴുതുക