വയനാട്: പുല്പ്പള്ളി സഹകരണ ബാങ്കിലെ തട്ടിപ്പ് കേസിൽ കോണ്ഗ്രസ് നേതാവ് സജീവന് കൊല്ലപ്പള്ളിയെ ഇ ഡി അറസ്റ്റ് ചെയ്തു. വായ്പാ തട്ടിപ്പിന് ഇടനിലക്കാരനായി നിന്ന സജീവന് കള്ളപ്പണം വെളുപ്പിച്ചെന്ന കേസിലാണ് ഇ.ഡി. അറസ്റ്റ് രേഖപ്പെടുത്തിയത്. സജീവനെ മൂന്ന് ദിവസത്തേക്ക് കോടതി ഇ.ഡിയുടെ കസ്റ്റഡിയില് വിട്ടു.
കേസില് മുന്പ് വിജിലന്സ് അറസ്റ്റ് ചെയ്ത മുന് കെപിസിസി ഭാരവാഹി കെ കെ എബ്രഹാമിന്റെ വിശ്വസ്തനാണ് സജീവന്. കേസില് ബാങ്ക് ഭരണ സമിതി അംഗങ്ങളും ജീവനക്കാരും അടക്കം 10 പേരാണ് പ്രതിപട്ടികയിലുള്ളത്. തുച്ഛമായ വിലയുള്ള ഭൂമിയ്ക്ക് ബിനാമി വായ്പകള് അനുവദിച്ച് കോടികള് തട്ടിയ കേസില് കോണ്ഗ്രസ് നേതാവും കെപിസിസി മുന് ഭാരവാഹിയുമായ കെ കെ എബ്രഹാമാണ് ഒന്നാം പ്രതി.
പ്രതികരിക്കാൻ ഇവിടെ എഴുതുക