കന്നഡ നടൻ നാഗഭൂഷണ ഓടിച്ച കാറിടിച്ച് 48കാരിയായി സ്ത്രീക്ക് ദാരുണാന്ത്യം. മറ്റൊരാള് ആശുപത്രിയില് ചികിത്സയിലാണെന്നാണ് റിപ്പോര്ട്ട്. സംഭവത്തിൽ നാഗഭൂഷണയ്ക്കെതിരെ എഫ്ഐആര് രജിസ്റ്റര് ചെയ്ത് കേസെടുത്ത പോലീസ്, നടന്റെ അറസ്റ്റ് രേഖപ്പെടുത്തിയിട്ടുമുണ്ട് എന്നാണ് റിപ്പോര്ട്ട്. നടൻ നാഗഭൂഷണന്റെ അശ്രദ്ധയാണ് വലിയ അപകടത്തിന് കാരണമായതെന്ന് പൊലീസും ചൂണ്ടിക്കാട്ടുന്നു.
അന്വേഷണം നടക്കുകയാണ് എന്നും പൊലീസ് അറിയിച്ചതായി ദേീയ മാധ്യമങ്ങള് റിപ്പോര്ട്ട് ചെയ്യുന്നു. സെപ്തംബര് 30 വൈകുന്നേരം നാഗഭൂഷണ ഉത്തരഹള്ളിയില് നിന്ന് വരവേയാണ് അപകടം സംഭവിച്ചത്. വസന്ത പുരയില് ഫുട്പാത്തിലൂടെ നടക്കുകയായിരുന്ന ദമ്പതികള്ക്ക് മേല് നാഗഭൂഷണന്റെ കാര് പാഞ്ഞുകയറുകയായിരുന്നു. ആശുപത്രിയില് കഴിയുന്ന പുരുഷന് കാലിലും തലയ്ക്കും വയറിനും പരുക്കുണ്ടെന്നും ദേശീയ മാധ്യമങ്ങള് റിപ്പോര്ട്ട് ചെയ്യുന്നു. അമിതവേഗത്തിലായിരുന്നു നാഗഭൂഷണ് വാഹനം ഓടിച്ചതെന്നും ആരോപണങ്ങള് ഉണ്ട്.
പ്രതികരിക്കാൻ ഇവിടെ എഴുതുക