ഏകദിന ക്രിക്കറ്റ് ലോകകപ്പിലെ ഓസ്ട്രേലിയക്കെതിരായ മത്സരത്തിൽ ഇൻ-ഫോം ബാറ്റ്സ്മാൻ ശുഭ്മാൻ ഗിൽ കളിച്ചേക്കില്ലെന്ന് റിപ്പോർട്ട്. ഞായറാഴ്ച ചെന്നൈയിലെ എംഎ ചിദംബരം സ്റ്റേഡിയത്തിലെ ആദ്യ മത്സരത്തിന് മുന്നോടിയായി ആണ് ടീം ഇന്ത്യക്ക് വൻ തിരിച്ചടി ഉണ്ടായിരിക്കുന്നത്.
ആരോഗ്യപ്രശ്നങ്ങൾ മൂലം ഞായറാഴ്ചത്തെ മത്സരത്തിൽ ശുഭ്മാൻ കളിച്ചേക്കില്ലെന്നാണ് പുറത്തു വരുന്ന റിപ്പോർട്ട്. ഏകദിനത്തിൽ ഇന്ത്യയുടെ ഏറ്റവും മികച്ച ബാറ്റ്സ്മാനായി ഉയർന്നുവരുന്ന ഗിൽ കടുത്ത പനിയെ തുടർന്ന് വിശ്രമത്തിലാണ്.
താരത്തെ ഇന്ന് ഡെങ്കിപ്പനി പരിശോധനയ്ക്ക് വിധേയനാക്കും എന്നാണ് പുറത്തു വരുന്ന വിവരം. ഈ ഫലത്തിന്റെ അടിസ്ഥാനത്തിലായിരിക്കും താരം കളിക്കണോ വേണ്ടയോ എന്ന് തീരുമാനിക്കുക. ചെന്നൈയിൽ എത്തിയത് മുതലാണ് ശുഭ്മാന് പനി അനുഭവപ്പെടാൻ തുടങ്ങിയത്. ഡെങ്കിപ്പനി സ്ഥിരീകരിച്ചാൽ താരത്തിന് കൂടുതകൾ മത്സരങ്ങൾ നഷ്ടമായേക്കാമെന്നുമാണ് വിവരം.
പ്രതികരിക്കാൻ ഇവിടെ എഴുതുക