സിക്കിമിലെ മിന്നല് പ്രളയത്തില് മരണസംഖ്യ ഉയരുന്നതായി റിപ്പോർട്ട്. ഏഴ് സൈനികര് ഉള്പ്പെടെ 53 പേര് മരിച്ചു എന്നാണ് ഇതുവരെ പുറത്തു വരുന്ന വിവരം. ടീസ്റ്റ നദീതടത്തില് നിന്ന് 27 മൃതദേഹങ്ങള് കൂടി കണ്ടെത്തിയിട്ടുണ്ട്. ഇതില് ഏഴ് മൃതദേഹങ്ങള് തിരിച്ചറിഞ്ഞിട്ടുണ്ട്.
അതേസമയം കാണാതായ 142 പേര്ക്കായി ആര്മിയുടേയും എന്ഡിആര്എഫിന്റേയും രക്ഷാപ്രവര്ത്തനം തുടരുകയാണ്. വടക്കന് സിക്കിമിലേക്കുള്ള ആശയവിനിമയം പൂര്ണമായും തടസപ്പെട്ടു.
സർക്കാർ മരിച്ചവരുടെ കുടുംബങ്ങള്ക്ക് നാല് ലക്ഷം രൂപ നഷ്ടപരിഹാരം പ്രഖ്യാപിച്ചിട്ടുണ്ട്. 25000 ത്തോളം ആളുകളാണ് പ്രളയ ദുരിതം അനുഭവിക്കുന്നത്. വിവിധ ഭാഗങ്ങളിലായി 13 പാലങ്ങള് ഒലിച്ചു പോയി. 2413 പേരുടെ ജീവന് രക്ഷിക്കാന് കഴിഞ്ഞതായാണ് ഔദ്യോഗിക വിവരം. 6,875 പേരെ ഇതുവരെ ദുരിതാശ്വാസ ക്യാമ്പിലേക്ക് മാറ്റിപ്പാര്ച്ചിട്ടുണ്ട്. സംസ്ഥാനത്തുടനീളം 22 ദുരിതാശ്വാസ ക്യാമ്പുകളാണ് പ്രവര്ത്തിക്കുന്നത്. കൂടുതൽ കേന്ദ്രസേന അടക്കം സംസ്ഥാനത്തേക്ക് എത്തിച്ച് രക്ഷാപ്രവർത്തനം ഊർജ്ജിതമാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക