തിരുവനന്തപുരം: കിലെയിലെ പിന്വാതില് നിയമനത്തെ തുടര്ന്ന് വി. ശിവന്കുട്ടി മന്ത്രി സ്ഥാനം രാജിവെച്ച് അന്വേഷണം നേരിടണമെന്ന് പ്രതിപക്ഷ നേതാവ് വി.ഡി സതീശന്. വി.ശിവന്കുട്ടി കിലെ ചെയര്മാനായിരുന്നപ്പോഴും നിലവില് തൊഴില് വകുപ്പ് മന്ത്രിയായിരിക്കുമ്പോഴും കിലെയില് നടത്തിയ മുഴുവന് നിയമനങ്ങളെക്കുറിച്ചും അന്വേഷിക്കണമെന്ന് വി ഡി സതീശന് ആവശ്യപ്പെട്ടു. കൂടാതെ കിലെയില് പിന്വാതില് നിയമനം നേടിയ മുഴുവന് പേരെയും അടിയന്തിരമായി പിരിച്ചുവിടാന് സര്ക്കാര് തയാറാകണമെന്നും അദ്ദേഹം പറഞ്ഞു.
ഇഷ്ടക്കാര്ക്ക് സര്ക്കാര് ജോലി നല്കിയ മന്ത്രി ശിവന്കുട്ടി സത്യപ്രതിജ്ഞാ ലംഘനമാണ് നടത്തിയിരിക്കുന്നതെന്നും, അതുകൊണ്ട് തന്നെ മന്ത്രിക്ക് ഒരു നിമിഷം സ്ഥാനത്ത് തുടരാന് അര്ഹതയില്ലെന്നും പ്രതിപക്ഷ നേതാവ് വ്യക്തമാക്കി. അല്പമെങ്കിലും രാഷ്ട്രീയ മര്യാദയും മാന്യതയും അവശേഷിക്കുന്നുണ്ടെങ്കില് സ്വയം രാജിവെത്ത് പുറത്തുപോയി അന്വേഷണം നേരിടാന് വി. ശിവന്കുട്ടതി തയ്യാറാകണമെന്ന് വി. ഡി സതീശന് ആവശ്യപ്പെട്ടു.
മൂന്നരക്കോടി ജനങ്ങള്ക്ക് വേണ്ടിയല്ല പാര്ട്ടിക്കാര്ക്കും സ്വന്തക്കാര്ക്കും വേണ്ടിയുള്ള ഭരണമാണ് മുഖ്യമന്ത്രി പിണറായി വിജയന്റെ നേതൃത്വത്തില് സംസ്ഥാനത്ത് നടക്കുന്നതെന്നും എല്ലാ വകുപ്പുകളിലും സ്ഥാപനങ്ങളിലും പിന്വാതില് നിയമനങ്ങളാണെന്നും അദ്ദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക