ഡല്ഹി: ഷാരോണ് വധക്കേസിന്റെ വിചാരണ തമിഴ്നാട്ടിലേക്ക് മാറ്റമെന്ന് ആവശ്യപ്പെട്ട് പ്രതി സുപ്രീംകോടതിയില് നല്കിയ ഹര്ജി നല്കി. കേസിലെ പ്രതികളായ ഗ്രീഷ്മ, ഗ്രീഷ്മയുടെ അമ്മ, അമ്മാവന് എന്നിവര് നല്കിയ ഹര്ജിയാണ് തള്ളിയത്. കേസിന്റെ വിചാരണ നെയ്യാറ്റിന്കരയില് നിന്ന് നാഗര്കോവിലേക്ക് മാറ്റണം എന്നാവശ്യപ്പെട്ടായിരുന്നു ഹര്ജി.
കുറ്റപത്രം സ്വീകരിച്ചതിനെതിരെ വിചാരണ കോടതിയെ വീണ്ടും സമീപിക്കാന് ഹൈക്കോടതി നേരത്തെ നിര്ദ്ദേശം നല്കിയിരുന്നു. ഈ സാഹചര്യത്തില് ട്രാന്സ്ഫര് ഹര്ജിയില് ഇടപെടുന്നത് ശരിയല്ലെന്ന് വ്യക്തമാക്കിയാണ് സുപ്രീംകോടതി ഹര്ജി തള്ളിയത്. കുറ്റകൃത്യം നടന്നു എന്ന് പോലീസ് പറയുന്ന സ്ഥലം തമിഴ്നാട്ടിലാണ്. അതിനാല് നാഗര്കോവില് ജില്ലാ സെഷന്സ് കോടതിയാണ് കേസ് പരിഗണിക്കേണ്ടതെന്നായിരുന്നു ഗ്രീഷ്മ ഉള്പ്പടെയുള്ള പ്രതികള്ക്കുവേണ്ടി ഹാജരായ അഭിഭാഷകര് വാദിച്ചത്.
കാമുകനെ കഷായത്തില് വിഷം കൊടുത്തു കൊന്ന ഗ്രീഷ്മ 11 മാസങ്ങള്ക്ക് ശേഷം കഴിഞ്ഞമാസം അവസാനമാണ് ജാമ്യം ലഭിച്ച് ജയില് മോചിതയായത്. പൊലീസ് കസ്റ്റഡിയില് കഴിയവെ ബാത്റൂം ക്ലീനര് കഴിച്ച് ആത്മഹത്യാശ്രമം നടത്തിയതിനും ഗ്രീഷ്മക്കെതിരെ പൊലീസ്കേസ് രജിസ്റ്റര് ചെയ്തിരുന്നു.
പ്രതികരിക്കാൻ ഇവിടെ എഴുതുക