കരുവന്നൂര് സഹകരണ ബാങ്ക് തട്ടിപ്പില് നഷ്ടമായ പണം ലഭിക്കാന് നിക്ഷേപകര് കോടതിയെ സമീപിക്കാനൊരുങ്ങുന്നതായി റിപ്പോർട്ട്. തട്ടിപ്പ് നടത്തിയവരുടെ സ്വത്തുവകകള് ഇഡി കണ്ടുകെട്ടിയതിന് പിന്നാലെയാണ് പുതിയ നീക്കം.
അതേസമയം നിക്ഷേപകര് നിയമനടപടി സ്വീകരിച്ചാല് സഹായം നല്കുമെന്ന് ബിജെപി ലീഗല് സെല് വ്യക്തമാക്കിയിട്ടുണ്ട്. കള്ളപ്പണം വെളുപ്പിക്കല് തടയല് നിയമത്തിലെ വിവിധ വകുപ്പുകള് പ്രകാരം ഇഡി പിടിച്ചെടുത്ത പണത്തിന്മേല് അവകാശം ഉന്നയിക്കാന് നിക്ഷേപകര്ക്ക് നിയമപരമായി കഴിയും. ഇതിനായി നിക്ഷേപകര്ക്ക് അഡ്ജ്യൂഡിക്കേറ്റ് അതോറിറ്റി എന്ന നിലയില് എന്ഫോഴ്സ്മെന്റ് ഡയറക്ടറേറ്റിനെയോ ബന്ധപ്പെട്ട കോടതിയേയോ സമീപിക്കാം.
അതേസമയം പിടിച്ചെടുത്ത പണം നിക്ഷേപകന്റേതെന്ന് തെളിഞ്ഞാല് തുക ലഭിക്കുകയും ചെയ്യും. വിഷയത്തില് നിക്ഷേപകര്ക്ക് നിയമസഹായം നല്കുമെന്ന് ബിജെപി വ്യക്തമാക്കുന്നു.
പ്രതികരിക്കാൻ ഇവിടെ എഴുതുക