ന്യൂഡല്ഹി: സ്വവര്ഗ വിവാഹങ്ങള്ക്കുള്ള നിയമസാധുത സംബന്ധിച്ച് സുപ്രീം കോടതി നാളെ. ചീഫ് ജസ്റ്റിസ് ഡിവൈ ചന്ദ്രചൂഡിന്റെ നേതൃത്വത്തിലുള്ള ഭരണഘടന ബെഞ്ചാണ് രാവിലെ പത്തരയ്ക്ക് വിധി പറയുക. ജസ്റ്റിസുമാരായ എസ്കെ കൗള്, എസ്ആര് ഭട്ട്, ഹിമ കോഹ്ലി, പിഎസ് നരസിംഹ എന്നിവരാണ് ബെഞ്ചിലെ മറ്റ് അംഗങ്ങള്.
സ്വവര്ഗാനുരാഗികള്, ട്രാന്സ്ജെന്ഡര് വ്യക്തികള്, എല്ജിബിടിക്യു പ്ലസ് ആക്ടിവിസ്റ്റുകള്, സംഘടനകള് തുടങ്ങിയവര് നല്കിയ 20 ഹരജികളാണ് സുപ്രീംകോടതിയുടെ പരിഗണനയിലുള്ളത്. ഏപ്രില് 18 മുതല് വാദം കേള്ക്കാന് തുടങ്ങിയ കോടതി മേയ് 11ന് കേസ് വിധി പറയാനായി മാറ്റിയിരുന്നു.
വിഷയത്തിൽ സുപ്രീംകോടതി ഇടപെടരുത് എന്നാണ് കേന്ദ്രസർക്കാരിന്റെ നിലപാട്. പാര്ലമെന്റാണ് ഈ വിഷയത്തില് നിയമനിര്മാണം നടത്തേണ്ടത് എന്നാണ് കേന്ദ്രം ചൂണ്ടിക്കാട്ടിയത്.
പ്രതികരിക്കാൻ ഇവിടെ എഴുതുക