ശരീരത്തിൽ ഇരുമ്പിന്റെ (അയേണ്) അംശം കുറയുന്ന അവസ്ഥയാണ് അനീമിയ അഥവ വിളർച്ച. ശരീരത്തിൽ ആവശ്യത്തിന് ചുവന്ന രക്താണുക്കൾ ഇല്ലാത്ത അവസ്ഥയാണ് അനീമിയ. ചുവന്ന രക്താണുക്കൾക്ക് ഓക്സിജനെ വഹിക്കാൻ സഹായിക്കുന്ന ഒരു പ്രോട്ടീനാണ് ഹീമോഗ്ലോബിൻ. ഈ ഹീമോഗ്ലോബിൻ നിർമ്മിക്കണമെങ്കിൽ ഇരുമ്പ് ആവശ്യമാണ്. ക്ഷീണം, തളര്ച്ച, ഉന്മേഷക്കുറവ്, ഒന്നും ചെയ്യാന് തോന്നാത്ത അവസ്ഥ, തലക്കറക്കം, തലവേദന, വിളറിയ ചര്മ്മം തുടങ്ങിയവയൊക്ക ആണ് വിളര്ച്ച ഉള്ളവരില് സാധാരണയായി കാണുന്ന ലക്ഷണങ്ങള്.
അനീമിയ തടയുന്നതിന് പ്രധാനമായും ഇരുമ്പ് അടങ്ങിയ ഭക്ഷണങ്ങള് കഴിക്കണം. ഹീമോഗ്ലോബിന്റെ അളവ് കൂട്ടാനും രക്തത്തിലെ ഓക്സിജന്റെ അളവ് കൂട്ടാനും ഇതാണ് ഏറ്റവും മികച്ച പരിഹാരം.
അത്തരത്തില് ഇരുമ്പ് അടങ്ങിയ ചില ഭക്ഷണങ്ങൾ ഏതൊക്കെ എന്ന് നോക്കാം
ഇലക്കറികൾ ഇവയിൽ പ്രധാനം. ഇരുമ്പ്, പൊട്ടാസ്യം, വിറ്റാമിൻ കെ, ബി എന്നിവയുടെ നല്ല ഉറവിടമാണ് ഇലക്കറികള്. അതിനാല് ചീര പോലുള്ള ഇലക്കറികള് ഡയറ്റില് ഉള്പ്പെടുത്തുന്നത് വിളര്ച്ചയെ തടയാന് സഹായിക്കും.
ചിയ സീഡ്സ് അഥവാ ചിയ വിത്തുകള് ആണ് രണ്ടാമതായി ഈ പട്ടികയില് ഉള്പ്പെടുന്നത്. ഫൈബറും കാത്സ്യവും സിങ്കും അയേണും മറ്റ് ആന്റി ഓക്സിഡന്റുകളും, മേഗ 3 ഫാറ്റി ആസിഡും ധാരാളമടങ്ങിയ ഇവ വിളര്ച്ച തടയാന് സഹായിക്കും.
ബീറ്റ്റൂട്ട് ആണ് മൂന്നാമതായി ഈ പട്ടികയില് ഉള്പ്പെടുന്നത്. വിറ്റാമിനുകൾ, ധാതുക്കൾ, സസ്യ സംയുക്തങ്ങൾ എന്നിവയാൽ നിറഞ്ഞതാണ് ബീറ്റ്റൂട്ട് . ആന്റി ഓക്സിഡന്റുകളാൽ സമ്പന്നവുമാണ് ഇവ. ഇരുമ്പ്, ഫോളിക്ക് ആസിഡ്, പൊട്ടാസ്യം, നാരുകള് തുടങ്ങിയവയും ബീറ്റ്റൂട്ടില് ധാരാളം അടങ്ങിയിരിക്കുന്നു.
സോയാബീന് ആണ് അടുത്തതായി ഈ പട്ടികയില് ഉള്പ്പെടുന്നത്. അയേണ് ധാരാളം അടങ്ങിയ ഇവ കഴിക്കുന്നത് വിളര്ച്ചയെ തടയാന് സഹായിക്കും.
ഈന്തപ്പഴം ആണ് അടുത്തത്. ഇരുമ്പിന്റെ അംശം ധാരാളം അടങ്ങിയതിനാല് ഇവ വിളർച്ചയെ തടയാന് സഹായിക്കും.
മാതളം ആണ് അവസാനമായി ഈ പട്ടികയില് ഉള്പ്പെടുന്നത്. കാത്സ്യം, ഇരുമ്പ്, അന്നജം, നാരുകള് എന്നിവ ഇതില് ധാരാളമായി അടങ്ങിയിട്ടുണ്ട്. മാതളത്തില് അടങ്ങിയിരിക്കുന്ന വിറ്റാമിൻ സി ശരീരത്തിലെ ഇരുമ്പിന്റെ ആഗിരണം വർധിപ്പിച്ച് വിളർച്ച തടയാന് സഹായിക്കും.
പ്രതികരിക്കാൻ ഇവിടെ എഴുതുക