ഗിന്നസ് പക്രു നായകനായി ‘916 കുഞ്ഞൂട്ടന്’ എന്ന ചിത്രം എത്തുന്നു. ചിത്രത്തിന്റെ ടൈറ്റില് പ്രകാശനം മോഹന്ലാല് നിര്വഹിച്ചു. ചിത്രത്തില് മറ്റൊരു കേന്ദ്ര കഥാപാത്രത്തെ അവതരിപ്പിക്കുന്നത് ടിനി ടോം ആണ്.
തമിഴ് സിനിമയിലെ പ്രമുഖ സംവിധായകരായ ലിങ്കു സ്വാമി, മുരുകദോസ്, മജീദ്, വടിവുടയാന്, വിന്സെന്റ് ശെല്വ തുടങ്ങിയവരോടൊപ്പം സഹസംവിധായകനായി ഇരുപതു വര്ഷത്തോളം പ്രവര്ത്തിച്ച മലയാളിയായ ആര്യന് വിജയ് ആണ് ചിത്രം സംവിധാനം ചെയ്യുന്നത്.
കുടുംബപശ്ചാത്തലത്തില് നര്മത്തിനും ആക്ഷനും തുല്യപ്രാധാന്യം നല്കി ആര്യന് വിജയ് തന്നെയാണ് ചിത്രത്തിന്റെ കഥയും ഒരുക്കിയിരിക്കുന്നത്. തമിഴ്, തെലുങ്ക് സിനിമകളിലെ പ്രമുഖ ഛായാഗ്രാഹകനായ എസ്. ശ്രീനിവാസ റെഡ്ഢി ആണ് ക്യാമറ കൈകാര്യം ചെയ്യുന്നത്.
മോര്സെ ഡ്രാഗണ് എന്റര്ടൈന്മെന്റിന്റെ ബാനറില് രാകേഷ് സുബ്രഹ്മണ്യനാണ് നിര്മാണം. സംഗീതം ആനന്ദ് മധുസൂദനനും എഡിറ്റിങ് അഖിലേഷ് മോഹനനും സംഘട്ടന സംവിധാനം ഫീനിക്സ് പ്രഭുവും നിര്വഹിക്കുന്നു.
പ്രതികരിക്കാൻ ഇവിടെ എഴുതുക