കൊച്ചി: ആലുവയില് അഞ്ചുവയസുകാരിയെ പീഡിപ്പിച്ച് കൊലപ്പെടുത്തിയ കേസില് വിധി ശനിയാഴ്ച. എറണാകുളം പോക്സോ കോടതിയാണ് വിധി പറയുക. അസം സ്വദേശി അസ്ഫാക്ക് ആലംമാണ് കേസിലെ പ്രതി. കേസിന്റെ വിചാരണയും കുറ്റപത്രം സമര്പ്പിക്കലും അതിവേഗമാണ് പൂര്ത്തിയാക്കിയത്. 30 ദിവസം കൊണ്ടാണ് കേസില് കുറ്റപത്രം സമര്പ്പിച്ചത്.
കഴിഞ്ഞ ജുലൈ 28-നാണ് പെണ്കുട്ടി കൊല്ലപ്പെട്ടത്. പെണ്കുട്ടിയെ പ്രതി വീട്ടില് നിന്ന് കൊണ്ടുപോവുകയും ആലുവാ മാര്ക്കറ്റിലെത്തി അതിക്രൂരമായി പീഡിപ്പിച്ച് കൊലപ്പെടുത്തുകയുമായിരുന്നു. പിറ്റേദിവസം ഇയാളെ പിടികൂടിയെങ്കിലും പെണ്കുട്ടി എവിടെയാണെന്ന് ഇയാള് വ്യക്തമാക്കിയില്ല.
26 ദിവസം നീണ്ടുനിന്ന ഏകദേശം 44 സാക്ഷികളെ പ്രോസിക്യുഷനും പ്രതിഭാഗവും വിസ്തരിച്ചു. ഇതിനു ശേഷമാണ് നവംബര് നാലിന് ഈ കേസ് വിധി പറയാനായി മാറ്റിയത്. കൊലപാതകം, പീഡനം ഉള്പ്പടെയുള്ള വകുപ്പുകളാണ് അസ്ഫാക് ആലത്തിനെതിരെ ചുമത്തിയത്. പ്രതിക്ക് അര്ഹിക്കുന്ന ശിഷ തന്നെ നല്കണമെന്ന് കുട്ടിയുടെ മാതാപിതാക്കള് കോടതിയോട് ആവശ്യപ്പെട്ടിരുന്നു.
പ്രതികരിക്കാൻ ഇവിടെ എഴുതുക