മഹാരാഷ്ട്രയില് മറാത്ത സംവരണം നടപ്പാക്കണമെന്ന് ആവശ്യപ്പെട്ട് കൊണ്ടുള്ള പ്രതിഷേധങ്ങള് തുടരുകയാണ്. സംസ്ഥാനത്തിന്റെ വിവിധ ഭാഗങ്ങളിലായാണ് മറാത്ത സമുദായാംഗങ്ങള് പ്രക്ഷോഭം സംഘടിപ്പിക്കുന്നത്. ഒബിസി വിഭാഗത്തിന് കീഴില് കൊണ്ടുവന്ന് ജോലിയിലും വിദ്യാഭ്യാസത്തിലും സംവരണം ഏര്പ്പെടുത്തണമെന്ന് ആവശ്യപ്പെട്ടാണ് പ്രക്ഷോഭം.
ഇതിനിടെ ഒരു സംഘം പ്രതിഷേധക്കാര് മുംബൈ-ബെംഗളൂരു ഹൈവേ രണ്ട് മണിക്കൂറോളം തടഞ്ഞത് വന് ഗതാഗതക്കുരുക്കിന് കാരണമായി. ഇരുവശത്തും സംഘര്ഷാവസ്ഥ നിലനില്ക്കുന്നതിനാല് ജനക്കൂട്ടം പിന്മാറാന് തയ്യാറായിട്ടില്ല. മറാത്ത ക്രാന്തി മോര്ച്ചാ പ്രവര്ത്തകര് സോലാപൂരില് റെയില്വേ ട്രാക്ക് തടഞ്ഞു.
സംഭവത്തില് റാം ജാദവ്, നിശാന്ത് സാല്വെ എന്നീ രണ്ട് പ്രതിഷേധക്കാരെ റെയില്വേ ഉദ്യോഗസ്ഥരും സോലാപൂര് സിറ്റി പോലീസും കസ്റ്റഡിയിലെടുത്തു. പ്രതിഷേധം തുടരുന്നതിടയിലും റെയില്വേ ട്രാക്കില് നിന്ന് സമരക്കാരെ ഇറക്കിവിടാന് ഉദ്യോഗസ്ഥര്ക്ക് കഴിഞ്ഞു. അതേസമയം, മഹാരാഷ്ട്രയിലെ ജല്ന ജില്ലയില് പ്രതിഷേധത്തിനിടെ ഒരു സംഘം ആളുകള് പഞ്ചായത്ത് സമിതി ഓഫീസിന് തീയിട്ടതായി പോലീസ് അറിയിച്ചു.
‘ഒരു മറാത്താ ലക്ഷം മറാത്ത’ എന്ന മുദ്രാവാക്യം മുഴക്കി തിങ്കളാഴ്ച രാത്രി ജില്ലയിലെ ഘാന്സാവാംഗിയിലെ പഞ്ചായത്ത് സമിതി ഓഫീസില് എത്തിയ പ്രവര്ത്തകര് അവിടം തീയിട്ട് നശിപ്പിക്കുകയായിരുന്നു. തിങ്കളാഴ്ച ഉച്ചയ്ക്ക് ബദ്നാപൂര് തഹസില് ഷെല്ഗാവ് ഗ്രാമത്തിലെ റെയില്വേ ഗേറ്റില് മറാത്ത സമുദായത്തില്പ്പെട്ട ചില യുവാക്കള് ട്രെയിനുകള് തടയാന് ശ്രമിച്ചു. ട്രെയിന് ഗതാഗതം തടസ്സപ്പെടുത്താന് പ്രതിഷേധക്കാര് റെയില്വേ ട്രാക്കില് ഇരുന്നു.
പ്രതികരിക്കാൻ ഇവിടെ എഴുതുക