തിരുവനന്തപുരം: സംഗീതജ്ഞയും കലാ ഗവേഷകയും അധ്യാപികയുമായ ഡോ. ലീല ഓംചേരി അന്തരിച്ചു (93). ഡല്ഹിയിലെ കലാസാംസ്കാരിക രംഗത്ത് നിറഞ്ഞുനിന്ന ലീല ഓംചേരിയുടെ ഭര്ത്താവ് പ്രശസ്ത നാടകകൃത്ത് ഓംചേരി എന് എന് പിള്ളയാണ്. കലാരംഗത്ത് നല്കിയ സംഭാവനകള് പരിഗണിച്ച് രാജ്യം 2009ല് പത്മശ്രീ നല്കി ആദരിച്ചു.
കന്യാകുമാരി ജില്ലയിലെ തിരുവട്ടാറില് പരേതരായ കമുകറ പരമേശ്വരക്കുറുപ്പിന്റെയും ലക്ഷ്മിക്കുട്ടിയമ്മയുടെയും മകളായാണ് ജനനം. പ്രശസ്ത ഗായകന് പരേതനായ കമുകറ പുരുഷോത്തമന്റെ മൂത്ത സഹോദരിയാണ്.
കര്ണാടകസംഗീതം, ഹിന്ദുസ്ഥാനി സംഗീതം, സോപാനസംഗീതം, നാടന് പാട്ടുകള്, നൃത്തം എന്നിവയില് പ്രാവീണ്യം നേടിയിട്ടുണ്ട്. കര്ണാടകസംഗീതത്തിലും ഹിന്ദുസ്ഥാനി സംഗീതത്തിലും ബിരുദവും ഡല്ഹി സര്വ്വകലാശാലയില് നിന്ന് എംഎ, പിഎച്ച്ഡിയും നേടി. ഡല്ഹി സര്വ്വകലാശാലയില് അധ്യാപികയായിരുന്നു.
പ്രതികരിക്കാൻ ഇവിടെ എഴുതുക