തൃശൂർ: യൂട്യൂബര് നാടന് ബ്ലോഗര് പേജിന്റെ ഉടമ അക്ഷജ് അറസ്റ്റിൽ. യൂട്യൂബ് വഴി മദ്യപാനം പ്രോത്സാഹിപ്പിക്കുന്ന തരത്തില് വീഡിയോ പ്രചരിപ്പിച്ചതിനും വൈന് നിര്മ്മിച്ചതിനുമാണ് കേസ്. ചെര്പ്പുളശ്ശേരി റെയ്ഞ്ച് എക്സൈസ് സംഘമാണ് യുവാവിനെ പിടികൂടിയത്.
അക്ഷജിന്റെ വീട്ടില് നിന്നും വീഡിയോ റെക്കോര്ഡ് ചെയ്യുന്നതിന് ഉപയോഗിച്ച ക്യാമറ, ശബ്ദം റെക്കോര്ഡ് ചെയ്യാന് ഉപയോഗിച്ച നോയ്സ് റിഡക്ഷന് മൈക്ക്, വീഡിയോ എഡിറ്റ് ചെയ്യുന്നതിനും യൂ ട്യൂബില് അപ്ലോഡ് ചെയ്യുന്നതിനും റെക്കോര്ഡ് ചെയ്ത വീഡിയോകളും വീഡിയോ ഫൂട്ടേജുകളും സൂക്ഷിക്കുന്നതിനും ഉപയോഗിച്ച ലാപ്പ്ടോപ്പ് എന്നിവ കണ്ടെടുത്തു.
വീട് പരിശോധിച്ചതില് അനധികൃതമായി വൈന് നിര്മ്മാണത്തിന് തയ്യാറാക്കിയ 20 ലിറ്റര് വാഷ് മിശ്രിതവും 5 ലിറ്റര് വൈനും പിടികൂടി. പ്രതിയെ ഒറ്റപ്പാലം ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് ഹാജരാക്കി റിമാന്ഡ് ചെയ്തു.
പ്രതികരിക്കാൻ ഇവിടെ എഴുതുക