വിജയ് സേതുപതി- കത്രീന കൈഫ് എന്നിവരെത്തുന്ന പുതിയ ചിത്രം ‘മെറി ക്രിസ്മസ്’ ന്റെ റിലീസ് തീയതി മാറ്റി. മെറി ക്രിസ്മസ് 2023 ഡിസംബര് 15നാണ് റിലീസ് ചെയ്യും എന്നാണ് നേരത്തെ പ്രഖ്യാപിച്ചിരുന്നത്. എന്നാല് പുതിയ അറിയിപ്പ് പ്രകാരം ചിത്രം ജനുവരി 12നായിരിക്കും റിലീസ് ചെയ്യുക.
ചിത്രത്തില് പ്രധാന വേഷം ചെയ്യുന്ന രാധിക ആപ്തെയാണ് ഈ കാര്യം ഇന്സ്റ്റഗ്രാമിലൂടെ അറിയിച്ചത്. പല കാരണങ്ങളാല് നേരത്തെ തന്നെ റിലീസ് നീണ്ടുപോയ ചിത്രമാണ് മെറി ക്രിസ്മസ്.
ശ്രീറാം രാഘവൻ ആണ് ചിത്രം സംവിധാനം ചെയ്യുന്നത്. മധു നീലകണ്ഠനാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. പൂജ ആണ് ചിത്രത്തിന്റെ ചിത്രസംയോജനം.
വിജയ് സേതുപതിയുടെ ആദ്യ ഹിന്ദി ചിത്രമാണ് ഇത്. എന്നാല് പിന്നീട് വിജയ് സേതുപതി അഭിനയിച്ച ജവാനാണ് ആദ്യം റിലീസായത്.
പ്രതികരിക്കാൻ ഇവിടെ എഴുതുക