ചെന്നൈ: സ്ത്രീ വിരുദ്ധ പരാമര്ശം നടത്തിയ നടന് മന്സൂര് അലിഖാന് സമര്പ്പിച്ച മുന്കൂര് ജാമ്യാപേക്ഷ കോടതി തള്ളി. ചെന്നൈയിലെ പ്രിന്സിപ്പല് സെഷന്സ് കോടതിയാണ് മുന്കൂര് ജാമ്യാപേക്ഷ തള്ളിയത്.
മന്സൂര് അലിഖാനെതിരേ തൗസന്റ് ലൈറ്റ്സ് പൊലീസ് കേസെടുത്തു. ഇതേത്തുടര്ന്നാണ് മുന്കൂര്ജാമ്യം തേടി നടന് കോടതിയെ സമീപിച്ചത്. തൃഷക്കെതിരെ നടത്തിയ സ്ത്രീവിരുദ്ധ പരാമര്ശത്തിനെതിരെയാണ് കേസ്.
ലിയോ സിനിമയുമായി ബന്ധപ്പെട്ട് നടന്ന വാര്ത്താ സമ്മേളനത്തിലാണ് തൃഷയ്ക്കെതിരെ മൻസൂർ അലി ഖാൻ മോശം പരാമർശം നടത്തിയത്.
മൻസൂര് അലി ഖാന് എതിരെ ദേശീയ വനിതാ കമ്മിഷനും കേസ് എടുത്തിരുന്നു. വിവിധ വകുപ്പുകള് ചുമത്തി മൻസൂറിനെതിരെ കേസ് എടുക്കാൻ ഡിജിപിക്ക് വനിതാ കമ്മിഷൻ നിര്ദേശം നല്കുകയും ചെയ്തു.
വിവാദ പരാമർശത്തിന് പിന്നാലെ താന് തെറ്റൊന്നും ചെയ്തിട്ടില്ലെന്നും മാപ്പ് പറയേണ്ട കാര്യമില്ലെന്നുമായിരുന്നു മൻസൂർ അലി ഖാന്റെ നിലപാട്. അന്വേഷണ ഉദ്യോഗസ്ഥര്ക്ക് മുന്നില് ഹാജരാകാനും മൻസൂര് തയ്യാറായിരുന്നില്ല.
അതിനുശേഷം വാർത്താക്കുറിപ്പിലൂടെ മാപ്പ് ചോദിച്ചു കൊണ്ട് രംഗത്തെത്തി. സഹപ്രവർത്തകയായ തൃഷയെ വേദനിപ്പിച്ചെന്ന് മനസ്സിലാക്കുന്നു. താൻ ഇതിൽ പരസ്യമായി മാപ്പ് ചോദിക്കുന്നുവെന്നാണ് മൻസൂർ വ്യക്തമാക്കിയത്.
പ്രതികരിക്കാൻ ഇവിടെ എഴുതുക