പാലക്കാട് നവകേരള സദസിന്റെ വിളംബര ഘോഷയാത്രയില് മുഴുവന് അധ്യാപകരും പങ്കെടുക്കണമെന്ന് നിര്ദേശമുണ്ടായതായി റിപ്പോർട്ട്. പാലക്കാട് നല്ലേപ്പിളളി പഞ്ചായത്ത് സെക്രട്ടറിയാണ് ഉത്തരവ് സ്കൂളുകള്ക്ക് കൈമാറിയത് എന്നാണ് പുറത്തു വരുന്ന വിവരം. നവകേരള സദസിന്റെ ഭാഗമായി ഉച്ചയ്ക്ക് രണ്ട് മണിക്ക് നടക്കുന്ന പരിപാടിയില് അധ്യാപകര് പങ്കെടുക്കാനാണ് നിര്ദേശം നല്കിയത്.
അതേസമയം നിര്ദേശം വന്നതോടെ പഠനം മുടങ്ങുമെന്ന് കാണിച്ച് അധ്യാപക സംഘടനകള് പ്രതിഷേധം അറിയിച്ചതോടെ നിലപാട് തിരുത്തി. ഉച്ചയ്ക്ക് വരുന്നതിന് പകരം വൈകിട്ട് നാല് മണിക്ക് എത്തിയാല് മതിയെന്നാക്കി ഉത്തരവ് തിരുത്തി എന്നാണ് ഒടുവിൽ പുറത്തു വരുന്ന വിവരം.
പ്രതികരിക്കാൻ ഇവിടെ എഴുതുക