തൃശൂര്: കരുവന്നൂര് ബാങ്കിലെ നിക്ഷേപകര്ക്ക് 13 കോടി രൂപ ഉടന് തിരികെ നല്കാന് തീരുമാനമായി. ശനിയാഴ്ച മുതല് തുക വിതരണം ചെയ്യുമെന്നാണ് റിപ്പോര്ട്ട്. അഞ്ചു ലക്ഷത്തിന് മീതെ സ്ഥിര നിക്ഷേപമുള്ളവര്ക്ക് ഡിസംബര് 11 മുതല് 10 ശതമാനം വരെ തുക പലിശ സഹിതം തിരികെ നല്കും. അര ലക്ഷം രൂപയുടെ സ്ഥിര നിക്ഷേപം പൂര്ണമായും പിന്വലിക്കാന് അവസരം ലഭിക്കും.
ചെറുകിട സ്ഥിര നിക്ഷേപകര്ക്ക് നിശ്ചിത ശതമാനം തുകയും പലിശയും പിന്വലിക്കാം. കരുവന്നൂര് സഹകരണ ബാങ്ക് അഡ്മിനിസ്ട്രേറ്റീവ് കമ്മിറ്റിയുടേതാണ് തീരുമാനം. കരുവന്നൂര് സഹകരണ ബാങ്കില് പുതിയതായി 85 നിക്ഷേപകര് വന്നതായി ബാങ്ക് അഡ്മിനിസ്ട്രേറ്റീവ് കമ്മിറ്റി വിശദീകരിച്ചു. പുതിയ 85 പേര് 41.2 ലക്ഷം രൂപയാണ് നിക്ഷേപിച്ചത്. 11.2 കോടി രൂപയുടെ നിക്ഷേപം പുതുക്കിയെന്നും അഡ്മിനിസ്ട്രേറ്റീവ് കമ്മിറ്റി വാര്ത്താ സമ്മേളനത്തില് അറിയിച്ചു.
പ്രതികരിക്കാൻ ഇവിടെ എഴുതുക