ഡല്ഹി: തെലങ്കാന മുഖ്യമന്ത്രിയായി എ. രേവന്ത് റെഡ്ഡി ഇന്ന് ചുമതലയേല്ക്കും. സത്യപ്രതിജ്ഞാ ചടങ്ങില് രാഹുല് ഗാന്ധി, മല്ലികാര്ജുന് ഖര്ഗെ, സോണിയാ ഗാന്ധി, പ്രിയങ്കാ ഗാന്ധി എന്നി്വര് പങ്കെടുക്കുമെന്നാണ് റിപ്പോര്ട്ട്. ഹൈദരാബാദിലെ എല്.ബി. സ്റ്റേഡിയത്തില് രാവിലെ പത്തരയോടെയാണ് ചടങ്ങുകള് ആരംഭിക്കുന്നത്. 119 അംഗ നിയമസഭയില് 64 സീറ്റുകള് നേടിയാണ് കോണ്ഗ്രസ് തെലങ്കാനയില് സര്ക്കാര് രൂപീകരിക്കാനൊരുങ്ങുന്നത്.
മല്ലു ഭട്ടി വിക്രമാര്ക്ക ഉപമുഖ്യമന്ത്രിയായി ചുമതലയേറ്റേക്കുമെന്നും അടുത്ത വൃത്തങ്ങള് സൂചിപ്പിക്കുന്നു. എന്നാല് ഉത്തം കുമാര് റെഡ്ഡിയും ഉപമുഖ്യമന്ത്രിപദം വേണമെന്ന ആവശ്യം ഉന്നയിക്കുന്നതിനാല് രണ്ട് ഉപമുഖ്യമന്ത്രിമാര് വേണോ എന്ന കാര്യത്തില് ഇനിയും തീരുമാനമായിട്ടില്ല. അതേസമയം, പൊങ്കുലെട്ടി ശ്രീനിവാസ് റെഡ്ഡി, കൊമ്മട്ടി റെഡ്ഡി രാജ് ഗോപാല് റെഡ്ഡി, കൊമ്മട്ടി റെഡ്ഡി വെങ്കട്ട രമണ റെഡ്ഡി, ദന്സരി അനസൂയ എന്നിവരും ഇന്ന് മന്ത്രിമാരായി ചുമതലയേറ്റേക്കും.
അതേസമയം, രാജസ്ഥാനിലെ മുഖ്യമന്ത്രിയെ ബിജെപി ഇന്ന് പ്രഖ്യാപിച്ചേക്കും. മുഖ്യമന്ത്രി പദത്തെച്ചൊല്ലിയുള്ള ചര്ച്ചകള് അവസാന ഘട്ടത്തില് നില്ക്കെ വസുന്ധര രാജെ സിന്ധ്യ ഡല്ഹിയിലെത്തി. പ്രധാനമന്ത്രി നരേന്ദ്ര മോദിയുമായും അമിത് ഷായുമായും ചര്ച്ച നടത്തിയേക്കും. വസുന്ധരയെ കേന്ദ്ര നേതൃത്വം ഡല്ഹിക്ക് വിളിപ്പിക്കുകയായിരുന്നെന്നാണ് സൂചന.
പ്രതികരിക്കാൻ ഇവിടെ എഴുതുക