ജിസ് ജോയ് സംവിധാനം ചെയ്യുന്ന ബിജു മേനോനും ആസിഫ് അലിയും ഒന്നിക്കുന്ന ചിത്രത്തിന്റെ ടൈറ്റില് മോഷന് പോസ്റ്റര് പുറത്തിറങ്ങി. പോലീസ് ഓഫീസര്മാരായി ഇരുവരും എത്തുന്ന ചിത്രത്തിന് ‘തലവന്’ എന്നാണ് പേര് നല്കിയിരിക്കുന്നത്.
അരുണ് നാരായണ് പ്രൊഡക്ഷന്സ് ഇന് അസ്റ്റോസിയേഷന് വിത്ത് ലണ്ടന് സ്റ്റുഡിയോസിന്റെ ബാനറില് അരുണ് നാരായണ്, സിജോ സെബാസ്റ്റ്യന് എന്നിവര് നിര്മിക്കുന്ന ചിത്രം ത്രില്ലര് മൂഡിലുള്ളതാണ്.
പോലീസ് പശ്ചാത്തലത്തില് എത്തുന്ന ചിത്രത്തില് ദിലീഷ് പോത്തനും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഈശോ, ചാവേര് എന്നീ ചിത്രങ്ങള്ക്ക് ശേഷം അരുണ് നാരായണ് പ്രൊഡക്ഷന്സ് നിര്മിക്കുന്ന ഈ ചിത്രത്തിലൂടെ ആസിഫ് അലിയും ബിജു മേനോനും വീണ്ടും ഒന്നിക്കുകയാണ്.
അനുശ്രീ, മിയ, ദിലീഷ് പോത്തന്, കോട്ടയം നസീര്, ശങ്കര് രാമകൃഷ്ണന്, ജോജി കെ. ജോണ്, ദിനേശ്, അനുരൂപ്, നന്ദന് ഉണ്ണി, ബിലാസ് എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
മലബാറിലെ നാട്ടിന്പുറങ്ങളെ പ്രധാന പശ്ചാത്തലമാക്കി ഒരുക്കുന്ന ഇന്വെസ്റ്റിഗേറ്റീവ് ത്രില്ലറാണ് ഈ സിനിമ. സമൂഹത്തില് ഉത്തരവാദിത്വമുള്ള പദവിയില് ജോലി ചെയ്യുന്ന രണ്ടു പേര്. അവരുടെ ജീവിതത്തില് അരങ്ങേറുന്ന ചില സംഭവങ്ങളാണ് ചിത്രത്തിലൂടെ പ്രേക്ഷകര്ക്ക് മുന്നിലേക്ക് എത്തുന്നത്.
ശരത് പെരുമ്പാവൂര്, ആനന്ദ് തേവരക്കാട്ട് എന്നിവരാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. ഛായാഗ്രഹണം – ശരണ് വേലായുധന്.
പ്രതികരിക്കാൻ ഇവിടെ എഴുതുക