മാധ്യമപ്രവർത്തകയെ അപമാനിച്ച കേസിൽ മുൻകൂർ ജാമ്യാപേക്ഷയുമായി സുരേഷ് ഗോപി കോടതിയിൽ. കഴിഞ്ഞ ദിവസം താരത്തിനെതിരെ പൊലീസ് ഗുരുതര വകുപ്പുകൾ ചുമത്തിയിരുന്നു.
മാധ്യമപ്രവര്ത്തകയുടെ ശരീരത്തില് മന:പൂര്വ്വം സ്പര്ശിക്കുകയായിരുന്നുവെന്നാണ് പൊലിസ് കണ്ടെത്തല്. നേരത്തെ ചുമത്തിയ ഐപിസി 354 എ 1, 4 വകുപ്പുകള്ക്ക് പുറമെ 354ഉം 119 എ വകുപ്പും ചുമത്തിയാണ് കേസ്. കുറ്റപത്രം ഉടന് സമര്പ്പിക്കും എന്നാണ് പുറത്തു വരുന്ന വിവരം.
ഒക്ടോബര് 27നാണ് കേസിനാസ്പദമായ സംഭവം നടന്നത്. കോഴിക്കോട് തളിയില് മാധ്യമങ്ങളോട് സംസാരിക്കവേ ചോദ്യം ചോദിച്ച മാധ്യമപ്രവര്ത്തകയുടെ തോളില് സുരേഷ് ഗോപി അനുവാദമില്ലാതെ കൈ വയ്ക്കുകയായിരുന്നു. മാധ്യമപ്രവര്ത്തക അപ്പോള് തന്നെ കൈ തട്ടിമാറ്റിയെങ്കിലും വീണ്ടും താരം മാധ്യമ പ്രവര്ത്തകയുടെ തോളില് കൈ വെച്ചു. തുടർന്ന് മാധ്യമപ്രവര്ത്തക പൊലിസിലും വനിതാ കമ്മിഷനിലും പരാതി നല്കി. സുരേഷ് ഗോപി മാപ്പ് പറഞ്ഞ് രംഗത്തെത്തിയെങ്കിലും പരാതിക്കാരി കേസുമായി മുന്നോട്ടു പോകുകയായിരുന്നു.
പ്രതികരിക്കാൻ ഇവിടെ എഴുതുക