ടൊവിനോ തോമസ് കേന്ദ്ര കഥാപാത്രത്തെ അവതരിപ്പിക്കുന്ന ചിത്രം ‘അന്വേഷിപ്പിന് കണ്ടെത്തും’ ഫെബ്രുവരി 9ന് തിയറ്ററുകളിലെത്തും. ഡാര്വിന് കുര്യാക്കോസാണ് ചിത്രം സംവിധാനം ചെയ്തിരിക്കുന്നത്. ആക്ഷന് പശ്ചാത്തലമാക്കി ഒരുക്കുന്ന ഈ ഇന്വെസ്റ്റിഗേഷന് ത്രില്ലറാണ് ചിത്രം. തിയറ്റര് ഓഫ് ഡ്രീംസിന്റെ ബാനറില് ഡോള്വിന് കുര്യാക്കോസ്, ജിനു വി. എബ്രാഹാം എന്നിവര്ക്കൊപ്പം സരിഗമയും ചേര്ന്ന് നിര്മിക്കുന്ന ഈ ചിത്രം തിയറ്റര് ഓഫ് ഡ്രീംസാണ് പ്രദര്ശനത്തിനെത്തിക്കുന്നത്.
ജിനു വി. എബ്രാഹമാണ് ചിത്രത്തിന്റെ തിരക്കഥയും സംഭാഷണവും ഒരുക്കുന്നത്. ചിത്രത്തില് സിദ്ദീഖ്, ഹരിശ്രീ അശോകന്, പ്രേം പ്രകാശ്, പ്രമോദ് വെളിയനാട്, വിനീത് തട്ടില്, രാഹുല് രാജഗോപാല്, ഇന്ദ്രന്സ്, സിദ്ദിഖ്, ഷമ്മി തിലകന്, കോട്ടയം നസീര്, മധുപാല്, അസീസ് നെടുമങ്ങാട്, വെട്ടുകിളി പ്രകാശന്, സാദിഖ്, ബാബുരാജ്, അര്ഥന ബിനു, രമ്യ സുവി, ശരണ്യ തുടങ്ങിയവരാണ് ചിത്രത്തിലെ മറ്റുതാരങ്ങള്.
എഴുപതോളം മികച്ച താരങ്ങള് അണിനിരക്കുന്ന ചിത്രത്തില് പുതുമുഖ നായികമാരും അഭിനയിക്കുന്നുണ്ട്. പതിവ് ഇന്വെസ്റ്റിഗേഷന് ഫോര്മുലയില് നിന്ന് മാറി, അന്വേഷകരുടെ കഥയാണ് സിനിമ സംസാരിക്കുന്നത്. ദക്ഷിണേന്ത്യയിലെ മികച്ച സംഗീത സംവിധായകരിലൊരാളായ സന്തോഷ് നാരായണന് സംഗീതവും പശ്ചാത്തല സംഗീതവും ഒരുക്കുന്ന ആദ്യ മലയാള ചിത്രം എന്ന സവിശേഷത ചിത്രത്തിനുണ്ട്.
പ്രതികരിക്കാൻ ഇവിടെ എഴുതുക