ഡല്ഹി: അയോധ്യ രാമക്ഷേത്ര പ്രതിഷ്ഠാ ചടങ്ങിലേക്കില്ലെന്ന് വ്യക്തമാക്കി സമാജ് വാദി പാര്ട്ടിയും. അയോധ്യയിലെ പ്രതിഷ്ഠാചടങ്ങില് പങ്കെടുക്കില്ലെന്ന് വ്യക്തമാക്കി അഖിലേഷ് യാദവ് ട്രസ്റ്റിന് കത്തയച്ചു. ചടങ്ങില് പങ്കെടുക്കില്ലെങ്കിലും കുടുംബ സമേതം പിന്നീട് സന്ദര്ശിക്കാനുമാണ് പദ്ധതി. ഇന്ത്യ സഖ്യത്തിലെ കൂടുതല് കക്ഷികള് സമാന നിലപാട് സ്വീകരിച്ചേക്കുമെന്നാണ് സൂചന.
അയോധ്യയിലെ രാമക്ഷേത്ര പ്രതിഷ്ഠാ ചടങ്ങില് നിന്ന് വിട്ടുനില്ക്കുന്ന നിലപാടില് വിശദീകരണവുമായി കോണ്ഗ്രസ് ദേശീയ നേതൃത്വം രംഗത്തെത്തി. പ്രതിഷ്ഠാ ചടങ്ങില് നിന്ന് മാത്രമാണ് വിട്ടു നില്ക്കുന്നതെന്നും ആര്ക്കും നിയന്ത്രണങ്ങളില്ലെന്നും കോണ്ഗ്രസ് ദേശീയ നേതൃത്വം അറിയിച്ചു. പ്രതിഷ്ഠാ ചടങ്ങ് നടക്കുന്ന 22 ഒഴികെ ഏത് ദിവസവും സന്ദര്ശിക്കാമെന്നും കോണ്ഗ്രസ് വ്യക്തമാക്കിയിട്ടുണ്ട്.
കോണ്ഗ്രസ് നേതാക്കളായ സോണിയ ഗാന്ധി, മല്ലികാര്ജുന് ഖാര്ഗെ, അധിര് രഞ്ജന് ചൗധരി എന്നിവര്ക്കാണ് അയോധ്യയിലെ പ്രതിഷ്ഠാ ചടങ്ങിലേക്ക് ക്ഷണം ലഭിച്ചിട്ടുള്ളത്. എന്നാല് ഇവര് ചടങ്ങില് പങ്കെടുക്കില്ലെന്ന് അറിയിച്ചു.അയോധ്യ പ്രതിഷ്ഠാ ചടങ്ങ് ബിജെപിയുടെയും ആര് എസ് എസിന്റെയും പരിപാടിയാണ്. മതവിശ്വാസം വ്യക്തിപരമായ കാര്യമാണ്. ആര്എസ്എസും ബിജെപിയും അയോധ്യയെ രാഷ്ട്രീയ പദ്ധതിയാക്കിയെന്നും ജയറാം രമേശ് പറഞ്ഞു.
പ്രതികരിക്കാൻ ഇവിടെ എഴുതുക