സിപിഐഎം സംസ്ഥാന സെക്രട്ടേറിയറ്റ് യോഗം ഇന്ന്. നയപ്രഖ്യാപന പ്രസംഗം ഗവർണർ ഒന്നര മിനിറ്റിൽ ചുരുക്കിയത് സംബന്ധിച്ച് സെക്രട്ടേറിയറ്റ് വിശദമായി ചർച്ച ചെയ്യാൻ സാധ്യതയുണ്ട്. ഗവർണർക്കെതിരെ സ്വീകരിക്കേണ്ട നിലപാടിൽ മുന്നണിക്കുള്ളിൽ തന്നെ ഉയരുന്നത് വ്യത്യസ്തമായ അഭിപ്രായങ്ങളാണെന്നാണ് വിവരം.
ഗവർണർ വന്ന് പ്രസംഗം വായിച്ചത് തന്നെ വലിയ കാര്യമായി ഒരു വിഭാഗം വിലയിരുത്തുന്നുണ്ടെങ്കിലും, ആരിഫ് മുഹമ്മദ് ഖാനെ രാഷ്ട്രീയമായി നേരിടണമെന്ന് അഭിപ്രായമുള്ളവരുമുണ്ട്. സംസ്ഥാന സെക്രട്ടറിയേറ്റ് വിഷയത്തിൽ ഇന്ന് അന്തിമ നിലപാട് സ്വീകരിക്കും. തിങ്കളാഴ്ച മുതൽ ആരംഭിക്കുന്ന നയപ്രഖ്യാപനത്തിൻ മേലുള്ള നന്ദിപ്രമേയ ചർച്ചയിൽ ഇതിന്റെ അടിസ്ഥാനത്തിൽ ആയിരിക്കും വിമർശനങ്ങൾ ഉന്നയിക്കുക.
പ്രതികരിക്കാൻ ഇവിടെ എഴുതുക