ആരോഗ്യം നമ്മുടെ ശീലങ്ങളിലൂടെയും ഭക്ഷണത്തിലൂടെയുമെല്ലാമാണ് പ്രധാനമായും കിട്ടുന്നത്. ആരോഗ്യത്തിന് ജലാംശം അടങ്ങിയിരിയ്ക്കുന്ന ഭക്ഷണങ്ങള് ഏറെ ഉത്തമമാണ്. വിശപ്പും ദാഹവുമെല്ലാം പെട്ടെന്നു തന്നെ മാറാന് ഇത് സഹായിക്കുന്നു. ഇത് കൂടാതെ ആരോഗ്യ ഗുണങ്ങള് ഏറെ ഒത്തിണങ്ങിയ ഒന്നുമാണിത്.
ജലം അടങ്ങിയ ഇത്തരം ഭക്ഷണങ്ങളില് ഒന്നാണ് കുക്കുമ്പർ. ജലാംശം ധാരാളമായി അടങ്ങിയ കുക്കുമ്പർ പല തരത്തിലെ ആരോഗ്യ ഗുണങ്ങള് ഒത്തിണങ്ങിയ ഒന്നുമാണ്. ഇത് പ്രധാനമായും സാലഡിലാണ് നാം ഉപയോഗിയ്ക്കാറ്.
കുക്കുമ്ബര് ജ്യൂസാക്കി അടിച്ചു കുടിച്ചാല് അത്രയധികം രുചിയൊന്നും ഉണ്ടാകില്ല. എന്നാല് ദിവസവും 1 ഗ്ലാസ് കുക്കുമ്പർ ജ്യൂസ് കുടിയ്ക്കുന്നതു ഒരുപാട് ആരോഗ്യ ഗുണങ്ങള് ലഭിയ്ക്കുകയും ചെയ്യും. ശരീരത്തില് ജലാംശം നിലനിര്ത്തി ആരോഗ്യം വർധിപ്പിക്കാനുള്ള നല്ലൊരു വഴിയാണ് കുക്കുമ്പർ ജ്യൂസ് കുടിയ്ക്കുന്നത്. ഇത് ഹൃദയപ്രവര്ത്തനങ്ങള് ആരോഗ്യപരമായി നടക്കാനുൂം ശരീരത്തില് നിന്നും ടോക്സിനുകള് പുറന്തള്ളാനും സഹായിക്കും.
പ്രതികരിക്കാൻ ഇവിടെ എഴുതുക