മുഖ്യമന്ത്രി പിണറായി വിജയന്റെ മകള് വീണ വിജയന് എസ്എഫ്ഐഒയുടെ സമന്സ്. എക്സാലോജിക് ഉടമയായ വീണ സാമ്പത്തിക ഇടപാടുകള് വിശദീകരിക്കണമെന്ന് സമൻസിലെ നിര്ദേശം. കമ്പനിയുടെ സേവനം എന്താണെന്ന് വിശദികരിക്കണമെന്ന് ആവശ്യപ്പെട്ടാണ് സമന്സ് അയച്ചിരിക്കുന്നത്. എസ്എഫ്ഐഒ അന്വേഷണം സ്റ്റേ ചെയ്യണമെന്ന് ആവശ്യപ്പെട്ട് കഴിഞ്ഞ ദിവസം വീണ കര്ണാടക ഹൈക്കോടതിയില് ഹര്ജി നല്കിയിരുന്നു. ഇതിനിടെയാണ് സമന്സ് നല്കിയത്.
എക്സാലോജിക്-സിഎംആര്എല് ഇടപാടുകള് സംബന്ധിച്ച രേഖകള് ആവശ്യപ്പെട്ടാണ് സമന്സ് നല്കിയിരിക്കുന്നത്. കര്ണാടക ഹൈക്കോടതിയില് സമര്പ്പിച്ച രേഖകള്ക്കൊപ്പം സമന്സും ഉൾപ്പെടുത്തി. കര്ണാടക ഹൈക്കോടതി തിങ്കളാഴ്ച വീണയുടെ ഹര്ജി പരിഗണിക്കും.
അന്വേഷണം പ്രഖ്യാപിച്ചുള്ള ഉത്തരവിന് ആധാരമായ വിവരങ്ങള് ലഭ്യമാക്കണമെന്നും തുടര്നടപടികള് സ്റ്റേ ചെയ്യണമെന്നുമാണ് ഹര്ജിയിലെ ആവശ്യം. കേന്ദ്ര സര്ക്കാറിനെയും എസ്എഫ്ഐഒ ഡയറക്ടറെയും എതിര് കക്ഷികളാക്കിയാണ് എക്സാലോജിക്കിന്റെ ഹര്ജി.
പ്രതികരിക്കാൻ ഇവിടെ എഴുതുക