ചെന്നൈ: കള്ളപ്പണം വെളുപ്പിക്കില് കേസില് അറസ്റ്റ് ചെയ്ത് ജയിലില് കഴിയുന്ന തമിഴ്നാട് മന്ത്രി സെന്തില് ബാലാജി രാജിവച്ചു. ജയിലിലാണെങ്കിലും കഴിഞ്ഞ എട്ടുമാസമായി വകുപ്പില്ലാ മന്ത്രിയായി സ്റ്റാലിന് മന്ത്രിസഭയില് സെന്തിൽ തുടരുന്നുണ്ടായിരുന്നു. വൈദ്യുതി,എക്സൈസ് വകുപ്പുകളുടെ ചുമതല വഹിച്ചിരുന്ന സെന്തിൽ ബാലാജിയെ 2023 ജൂണ് 14നാണ് എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്യുന്നത്. അറസ്റ്റിന് ശേഷവും മുഖ്യമന്ത്രി എം.കെ സ്റ്റാലിൻ സെന്തില് ബാലാജിയെ വകുപ്പില്ലാതെ മന്ത്രിയായി സെന്തിൽ ഉണ്ടായിരുന്നു.
2011 മുതൽ 2015 വരെ ജയലളിത സർക്കാരിൽ ഗതാഗത മന്ത്രിയായി സേവനത്തിലിരിക്കെ നിയമനങ്ങൾക്കായി കോഴ വാങ്ങിയെന്നാണ് സെന്തിൽ ബാലാജിക്കെതിരായ ആരോപണം. ഉദ്യോഗസ്ഥരുമായി ചേർന്ന് സെന്തിൽ ബാലാജി ക്രിമിനൽ ഗൂഢാലോചന നടത്തിയെന്ന് റിമാൻഡ് റിപ്പോർട്ടില് ചൂണ്ടിക്കാട്ടുന്നു. ജോലിക്ക് അപേക്ഷിച്ച ഉദ്യോഗാർഥികളുടെ മാർക്കിൽ കൃത്രിമം നടത്തിയാണ് തട്ടിപ്പ് നടത്തിയതെന്നും ഇ.ഡിയുടെ റിപ്പോര്ട്ടിലുണ്ട്
പ്രതികരിക്കാൻ ഇവിടെ എഴുതുക