തിരുവനന്തപുരം: സംസ്ഥാനത്ത് ഇടവിട്ടുള്ള മഴ പെയ്യുന്നത് കാരണം ഡെങ്കിപ്പനി വ്യാപിക്കാന് സാധ്യതയുള്ളതിനാല് ജാഗ്രത പാലിക്കണമെന്ന് മന്ത്രി വീണ ജോര്ജ് അറിയിച്ചു. പൊതുജനങ്ങളും സ്ഥാപനങ്ങളും ഇക്കാര്യത്തിൽ മുൻകരുതലുകൾ സ്വീകരിക്കണം.
കൃത്യമായി ഹോട്ട് സ്പോട്ടുകള് കണ്ടെത്തി പ്രതിരോധ പ്രവര്ത്തനങ്ങള് ഏകോപിപ്പിക്കണം. കൊതുകിന്റെ ഉറവിട നശീകരണത്തിന് പ്രാധാന്യം കൊടുക്കണം. വീടിനകത്തും പുറത്തും വെള്ളം കെട്ടി നില്ക്കാനുള്ള സാഹചര്യം ഒഴിവാക്കുക അനുവദിക്കരുത്. കൊതുകുകടി ഏല്ക്കാതിരിക്കാന് മുന്കരുതലുകള് എടുക്കണം.
പരിസരം പരമാവധി വൃത്തിയായി സൂക്ഷിക്കണം. എലിപ്പനി പ്രതിരോധത്തിനായി മണ്ണുമായും മലിനജലവുമായും ഇടപെടുന്നവര് നിര്ബന്ധമായും ആരോഗ്യ പ്രവര്ത്തകരുടെ നിര്ദേശം അനുസരിച്ച് എലിപ്പനി പ്രതിരോധ ഗുളികയായ ഡോക്സിസൈക്ലിന് കഴിക്കേണ്ടതാണ്. മഴക്കാലപൂര്വ ശുചീകരണ പ്രവര്ത്തനങ്ങള്ക്കും പ്രാധാന്യം കൊടുക്കണമെന്നും വീണ ജോർജ് മന്ത്രി നിര്ദേശം നല്കി.
കുട്ടികളെയും മുതിര്ന്നവരെയും ഒരുപോലെ ഡെങ്കിപ്പനി ബാധിക്കും. കൊതുകില് നിന്നും സംരക്ഷണം നേടുക എന്നതാണ് ഡെങ്കിപ്പനിയുടെ പ്രധാന സംരക്ഷണ മാര്ഗം. അതുകൊണ്ട് വീടും സ്ഥാപനവും പരിസരവും വൃത്തിയായി സൂക്ഷിക്കണം. രാവിലെയും വൈകുന്നേരങ്ങളിലും ജനലുകളും വാതിലുകളും കൊതുക് കയറാതെ അടയ്ക്കണം. അടച്ചിടുന്നതിനു മുന്പ് വീട്ടിനുള്ളില് പുകയ്ക്കുന്നത് വീട്ടിനുള്ളിലുള്ള കൊതുകുകളെ പുറത്താക്കാന് സഹായിക്കും.
പ്രതികരിക്കാൻ ഇവിടെ എഴുതുക