ഐഫോണിനെ മറകടന്ന് വിപണിയിൽ ഒന്നാം സ്ഥാനം കൈയ്യടക്കി സാംസങ്. ചൈനയിലെ വില്പന കുത്തനെ ഇടിഞ്ഞതാണ് ഇതിന് കാരണമെന്ന് വിപണി ഗവേഷണ സ്ഥാപനമായ ഐഡിസി പറയുന്നു. 2024-ന്റെ ആദ്യ പാദത്തില് 20.8 ശതമാനം വിപണി വിഹിതവുമായി സാംസങ് 60.1 ദശലക്ഷം യൂണിറ്റുകള് കയറ്റി അയച്ചു. ഈ കാലയളവില് ആപ്പിളിന്റെ കയറ്റുമതി 10 ശതമാനം കുറഞ്ഞ് 50.1 ദശലക്ഷം മൊബൈലുകളാണ് കയറ്റുമതി ചെയ്തത്.
2024 ആദ്യ പാദത്തില് ആപ്പിളിന്റെ വിപണി വിഹിതം 17.3 ശതമാനം ആയിരുന്നു. 2024 ലെ ഒന്നാം പാദത്തില് വെറും 40 ദശലക്ഷത്തിലധികം യൂണിറ്റുകള് കയറ്റി അയച്ചതിനാല് 14.1ശതമാനം വിപണി വിഹിതവുമായി മൂന്നാം സ്ഥാനത്താണ് ഷവോമി. കഴിഞ്ഞ രണ്ട് വര്ഷമായി സ്മാര്ട്ട്ഫോണ് വിപണി കൂടുതല് ശക്തമാകുകയും മാറ്റങ്ങള് സംഭവിച്ചതായും ഐഡിസിയുടെ വേള്ഡ് വൈഡ് ട്രാക്കര് ടീമിലെ റിസര്ച്ച് ഡയറക്ടര് നബീല പോപ്പല് പറഞ്ഞു.
കഴിഞ്ഞ രണ്ട് വര്ഷമായുണ്ടായ വലിയ തകര്ച്ചയില് നിന്ന് ഷവോമി ശക്തമായി തിരിച്ചുവരുന്നതായി കണക്കുകള് സൂചിപ്പിക്കുന്നു. അന്താരാഷ്ട്ര വിപണികളിലെ വളര്ച്ചയോടെ വിപണിയിലെ ആദ്യ അഞ്ചില് ഇടം പിടിച്ച് സ്ഥിരതയുള്ള സാന്നിധ്യമായി മാറുകയാണ് ഷവോമി -നബീല പോപ്പല് പറഞ്ഞു.
പ്രതികരിക്കാൻ ഇവിടെ എഴുതുക