ഇന്ന് ഏപ്രിൽ 19- ലോക കരൾ ദിനമായി ആചരിക്കുന്നു. ഭക്ഷണം ദഹിപ്പിക്കാനും ശരീരത്തിലെ മാലിന്യങ്ങൾ നീക്കാനും ശരീരത്തിലെ രക്തയോട്ടം മെച്ചപ്പെടുത്താനും സഹായിക്കുന്ന കരൾ മനുഷ്യ ശരീരത്തിന്റെ അവശ്യ ഘടകമാണ്. എന്നാല് ഇന്ന് കരൾ രോഗികളുടെ എണ്ണം ദിവസേന കൂടുകയാണ്, പ്രത്യേകിച്ച് ഫാറ്റി ലിവർ രോഗങ്ങൾ. കരളിൽ അമിതമായി കൊഴുപ്പ് അടിഞ്ഞുകൂടുന്ന രോഗാവസ്ഥ ആണ് ഫാറ്റി ലിവര് രോഗം. പലരിലും ആദ്യഘട്ടത്തിൽ ലക്ഷണങ്ങള് കാണാറില്ല.
ഫാറ്റി ലിവർ രോഗത്തിന്റെ നിശബ്ദ സൂചനകള് എന്തൊക്കെയാണെന്ന് അറിയാം…
ഒന്ന്…
ഫാറ്റി ലിവറിന്റെ ഏറ്റവും സാധാരണമായ ആദ്യ ഘട്ടത്തിലെ സൂചകങ്ങളിലൊന്ന് അൽപ്പം വലുതായ കരളാണ്. ഇത് ഡോക്ടറുടെപരിശോധനയിൽ കണ്ടെത്താൻ കഴിയും.
രണ്ട്…
ഇരുണ്ട നിറത്തിലുള്ള മൂത്രം ഫാറ്റി ലിവർ രോഗം ഉൾപ്പെടെയുള്ള കരൾ രോഗങ്ങളുടെ ലക്ഷണങ്ങളാണ്. അതിനാല് മൂത്രത്തിലെ നിറവ്യത്യാസത്തെ നിസാരമായി തള്ളി കളയരുത്.
മൂന്ന്…
അപ്രതീക്ഷിതമായി ശരീരഭാരം കുറയുന്നതും ഫാറ്റി ലിവർ രോഗം ഉൾപ്പെടെയുള്ള കരൾ രോഗങ്ങളുടെ ഒരു പ്രധാന സൂചനയാകാം.
നാല്…
വയറുവേദന, വയറിൽ സ്ഥിരമായി അനുഭവപ്പെടുന്ന അസ്വസ്ഥത, വയറിന് ഭാരം തോന്നിപ്പിക്കുക തുടങ്ങിവയൊക്കെ കരൾ സംബന്ധമായ പ്രശ്നങ്ങളായ ഫാറ്റി ലിവർ രോഗം പോലുള്ളവയെ സൂചിപ്പിക്കാം. വയറിന്റെ വലത്ത് വശത്ത് മുകളിലായാണ് സാധാരണ വേദന ഉണ്ടാവുക.
അഞ്ച്…
ഇടയ്ക്കിടെ, കാരണമില്ലാതെയുള്ള ഛർദ്ദിയും കരൾ പ്രവർത്തന വൈകല്യത്തിന്റെ ലക്ഷണമാകാം. എന്നിരുന്നാലും അവ ഫാറ്റി ലിവർ രോഗത്തിന് പുറമെ മറ്റ് അവസ്ഥകളെയും സൂചിപ്പിക്കുന്നു.
ആറ്…
അമിത ക്ഷീണം, വിശപ്പില്ലായ്മ എന്നിവയും നിസാരമായി കാണേണ്ട.
പ്രതികരിക്കാൻ ഇവിടെ എഴുതുക