തൃശ്ശൂർ: വാൽപ്പാറയിൽ ആദിവാസി യുവാവിനെ ആന ചവിട്ടിക്കൊന്നു. വാൽപ്പാറയ്ക്കടുത്ത് നെടുംങ്കുട്ര ആദിവാസി ഊരിലെ രവിയാണ് കാട്ടാനയുടെ ആക്രമണത്തിൽ കൊല്ലപ്പെട്ടത്. രണ്ട് സുഹൃത്തുക്കൾക്കൊപ്പം ഊരിലേക്ക് വരുന്നതിനിടെ കാട്ടാനയുടെ പാഞ്ഞടുക്കുകയായിരുന്നു. ഇന്നലെ രാത്രി ഒമ്പത് മണിയോടെയായിരുന്നു സംഭവം.
കഴിഞ്ഞ ദിവസമാണ് പാലക്കാട് കാട്ടാന ആക്രമണത്തെ തുടർന്ന് മാതൃഭൂമി ന്യൂസ് ക്യാമറാമാൻ എ.വി.മുകേഷ് മരിച്ചത്. പാലക്കാട് കൊട്ടേക്കാട് കാട്ടാനയുടെ ആക്രമണത്തിലാണ് മരണം സംഭവിച്ചത്. 34 വയസ്സായിരുന്നു. ഇന്ന് രാവിലെ 8 മണിക്ക് മലമ്പുഴ വേനോലി ഏളമ്പരക്കാടിന് സമീപം ഷൂട്ടിനിടെയാണ് അപകടം.കാട്ടാനക്കൂട്ടം പുഴ മുറിച്ചുകടക്കുന്നതിന്റെ ദൃശ്യം പകർത്തുന്നതിനിടെയാണ് ആനയുടെ ആക്രമണം ഉണ്ടായത്.
ഉടൻ തന്നെ പാലക്കാട് ജില്ലാശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മുകേഷിന്റെ ഇടുപ്പിനാണ് ആനയുടെ ആക്രമണത്തില് പരുക്കേറ്റത്. ഉടന് തന്നെ പാലക്കാട് ജില്ല ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
ദീര്ഘകാലം ഡല്ഹി മാതൃഭൂമി ബ്യൂറോയില് ജോലി ചെയ്തിരുന്നു. ഒരു വര്ഷമായി പാലക്കാട് ബ്യൂറോയിലാണ്. ഡല്ഹിയില് ജോലി ചെയ്തിരുന്ന കാലത്ത് ‘അതിജീവനം’ എന്നപേരില് മാതൃഭൂമി ഡോട്ട് കോമില്, നൂറിലധികം ലേഖനങ്ങള് പ്രസിദ്ധീകരിച്ചിട്ടുണ്ട്.
എ വി മുകേഷിന്റെ മരണത്തിൽ വനംവകുപ്പ് മന്ത്രി എ കെ ശശീന്ദ്രന് അനുശോചനം അറിയിച്ചു. മുകേഷിന്റെ മരണം ഹൃദയഭേദഗമെന്ന് മന്ത്രി പ്രതികരിച്ചു. മാത്യഭൂമിയുടെ പ്രഗല്ഭനായ ഫോട്ടോഗ്രാഫറാണ് കാട്ടനയുടെ ആക്രമണത്തിന് വിധേയനായി മരിച്ചത്.
പ്രതികരിക്കാൻ ഇവിടെ എഴുതുക