തിരുവനന്തപുരം: കേരളത്തിൽ വേനൽ മഴ കനക്കുന്നു. മിന്നലോടു കൂടിയുള്ള മഴ പെയ്യനാണ് സാധ്യത. ഒറ്റപ്പെട്ട സ്ഥലങ്ങളിൽ ശക്തമായ മഴയ പെയ്യാനുള്ള സാധ്യത മുൻനിർത്തി ഇന്ന് പത്തനംതിട്ട, എറണാകുളം, ഇടുക്കി ജില്ലകളിൽ യെല്ലോ മുന്നറിയിപ്പ് നൽകി. തെക്ക് കിഴക്കൻ അറബിക്കടലിലെ ചക്രവാതച്ചുഴിയുടെ സ്വാധീനനം കാരണമാണ് സംസ്ഥാനത്ത് വേനൽമഴ ശക്തമാകുന്നത്.
ഇത്തവണ കേരളത്തിൽ കാലവര്ഷം മെയ് 31 ഓടെ എത്തിച്ചേരാനാണ് സാധ്യതയെന്ന് കേന്ദ്രകാലാവസ്ഥ വകുപ്പിന്റെ മുന്നറിയിപ്പ്. തുടര്ച്ചയായ ദിവസങ്ങളില് അതിതീവ്രമായ താപനില വർധന രേഖപ്പെടുത്തിയതിന്റെ പിന്നാലെ സംസ്ഥാനത്ത് ഇപ്പോള് വേനല് മഴ ശക്തമായിരിക്കുകയാണ്. ഇതിനിടെയാണ് കേരളത്തില് കാലവര്ഷം മെയ് 31 ഓടെ വന്നേക്കുമെന്ന് കേന്ദ്രകാലാവസ്ഥ വകുപ്പ് വ്യക്തമാക്കിയിരിക്കുന്നത്. നാലു ദിവസം അങ്ങോട്ടോ ഇങ്ങോട്ടോ കാലവർഷം മാറാനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് ചൂണ്ടിക്കാണിച്ചിട്ടുണ്ട്.
ഇത്തവണ തീവ്രമായ ചൂടിന് പുറമെ മിക്ക ജില്ലകളിലും ഉഷ്ണതരംഗ മുന്നറിയിപ്പും നൽകിയിട്ടുണ്ടായിരുന്നു. ഈ വര്ഷത്തെ തെക്കു പടിഞ്ഞാറന് മണ്സൂണ് കാലം മെയ് 31ന് തുടങ്ങുന്നതോടെ നാല് മാസത്തെ മഴക്കാലത്തിന് ആരംഭം കുറിക്കുമെന്ന് കാലാവസ്ഥ വകുപ്പിന്റെ റിപ്പോര്ട്ട്. കഴിഞ്ഞ വര്ഷം ഒരാഴ്ച വൈകി ജൂണ് എട്ടിനാണ് സംസ്ഥാനത്ത് കാലാവർഷം തുടങ്ങിയത്.
കാലാവസ്ഥ സൂചകം അനുസരിച്ചു ഈ വര്ഷം നാല് മാസത്തെ തെക്കു പടിഞ്ഞാറന് മണ്സൂണ് കാലത്ത് കേരളത്തില് സാധരണയില് കൂടുതല് മഴ ലഭിക്കുമെന്നാണ് കണക്കുകൂട്ടൽ. സംസ്ഥാനത്ത് മണ്സൂണ് കാലം ആരംഭിക്കുന്ന സാധാരണ തീയ്യതി ജൂണ് ഒന്നായാണ് കണക്കാക്കുന്നതെന്ന് കേന്ദ്രകാലാവസ്ഥ വകുപ്പ ഡയറക്ടര് മൃത്യുഞ്ജയ് മൊഹപത്ര വ്യക്തമാക്കി. അതിനാല് ഈ വര്ഷം കാലവര്ഷം നേരത്തെയെന്ന് പറയാന് സാധിക്കില്ലെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക