പ്രായം വർധിക്കുന്നത് അനുസരിച്ച് മുഖത്ത് ചുളിവുകള് ഉണ്ടാകും. ചര്മ്മം ചെറുപ്പമായിരിക്കണമെങ്കില്, ഭക്ഷണത്തിന്റെ കാര്യത്തിൽ പ്രത്യേകം ശ്രദ്ധ വേണം. അത്തരത്തില് ചര്മ്മത്തിന്റെ ആരോഗ്യത്തിനായി ഡയറ്റില് ചേർക്കേണ്ട ചില ഭക്ഷണങ്ങളെ പരിചയപ്പെടാം
ഒന്ന്…
ആദ്യമായി ഈ പട്ടികയില് ഉള്പ്പെടുന്നത് ബെറി പഴങ്ങളാണ്. സ്ട്രോബെറി, ബ്ലൂബെറി, റാസ്ബെറി തുടങ്ങിയ ബെറി പഴങ്ങളില് ആന്റിഓക്സിഡന്റുകളും വിറ്റാമിനുകളും മറ്റു ധാതുക്കളും ധാരാളം കാണപ്പെടുന്നു. ഇത് മാത്രമല്ല വിറ്റാമിന് സിയും അടങ്ങിയ ബെറി പഴങ്ങള് കഴിക്കുന്നത് ചര്മ്മത്തിന്റെ ആരോഗ്യത്തിന് ഏറെ നല്ലതാണ്.
രണ്ട്…
നട്സ് ആണ് അടുത്തതായി ഈ പട്ടികയില് ഉള്പ്പെടുന്നത്. വിറ്റാമിനുകളുടെ കലവറയാണ് നട്സ്. വിറ്റാമിൻ ബി, ഇ, മറ്റ് പോഷകങ്ങള് എന്നിവ അടങ്ങിയ നട്സ് ഉൾപ്പെടുത്തുന്നത് ചര്മ്മത്തിന്റെ ആരോഗ്യത്തിന് നല്ലതാണ്.
മൂന്ന്…
ചീരയാണ് ഇനി ഈ പട്ടികയില് ഉള്പ്പെടുന്നത്. ആന്റി ഓക്സിഡന്റുകളും വിറ്റാമിന് സിയും ധാരാളമായി അടങ്ങിയ ചീര പോലെയുള്ള ഇലക്കറികള് ഡയറ്റില് ഉള്പ്പെടുത്തുന്നത് ചര്മ്മത്തിന്റെ ആരോഗ്യം കാക്കാൻ നല്ലതാണ്.
നാല്…
നാലാമതായി പപ്പായ ആണ് ഈ പട്ടികയില് ഉള്പ്പെടുന്നത്. വിറ്റാമിനുകളായ സി, എ, ബി എന്നിവയാൽ സമൃദ്ധയായ പപ്പായയിൽ 91–92% വരെ ജലാംശമുണ്ട്. മിനറലുകളും നാരുകളും ആന്റിഓക്സിഡന്റുകളും പപ്പായയിൽ ഉണ്ട്. അതിനാല് പപ്പായ ഡയറ്റില് ഉള്പ്പെടുത്തുന്നത് ചര്മ്മത്തിന്റെ ആരോഗ്യത്തിന് വളരെ ഗുണം ചെയ്യും.
അഞ്ച്…
അവസാനമായി അവക്കാഡോ ആണ് ഈ പട്ടികയില് ഉള്പ്പെടുന്നത്. അവക്കാഡോയിൽ വിറ്റാമിനുകളും ആന്റി ഓക്സിഡന്റുകളും ധാരാളം അടങ്ങിയിട്ടുണ്ട്. ഒമേഗ 3 ഫാറ്റി ആസിഡും അടങ്ങിയ അവക്കാഡോ ചര്മ്മത്തിന്റെ ആരോഗ്യത്തെ കാത്ത് സൂക്ഷിക്കുന്നു.
പ്രതികരിക്കാൻ ഇവിടെ എഴുതുക