ഗാസ: റഫയിലെ അഭയാര്ഥി ക്യാംപിന് നേരെ ഇസ്രയേല് നടത്തിയ ആക്രമത്തില് 40 പേര് കൊല്ലപ്പെട്ടു. ടാല് അസ്-സുല്ത്താനിലെ ക്യാപുകള്ക്ക് നേരെയായിരുന്നു ഇസ്രായേല് ആക്രമണം നടത്തിയത്. ആക്രമണത്തിന് ഇരകളായ ഭൂരിഭാഗവും പേരും സ്ത്രീകളും കുട്ടികളുമാണെന്ന് അല്ജസീറ റിപ്പോര്ട്ട് ചെയ്യുന്നു. ഇസ്രയേല് അഭയാര്ത്ഥി ക്യാപിന് നേരെ ഞായറാഴ്ച രാത്രിയാണ് ആക്രമണം അഴിച്ചു വിട്ടത്. പ്രദേശിക സമയം രാത്രി 8.45നാണ് ആക്രമണം നടന്നതെന്നാണ് വിവരം.
അപകടത്തിന് രണ്ട് ദിവസം മുമ്പെടുത്ത ആകാശദൃശ്യങ്ങള് പ്രകാരം പ്രദേശത്തു നൂറ് കണക്കിന് അഭയാര്ത്ഥി ടെന്റുകള് ഉണ്ടായിരുന്നെന്ന് വ്യക്തമാണെന്നും അല്ജസീറ റിപ്പോര്ട്ട് ചെയ്യുന്നുണ്ട്. അഭയാര്ത്ഥി ക്യാമ്പിനുള്ളിലുണ്ടായിരുന്ന നിരവധി പേർ ജീവനോടെ കത്തിയെരിഞ്ഞെന്നാണ് വിവരം.
യുഎന്ആര്ഡബ്ല്യുഎ ലോജിസ്റ്റിക്സ് സ്പേസിന് അടുത്തുള്ള ക്യാംപാണ് ആക്രമിക്കപ്പെട്ടത്. ഇസ്രയേല് ജബലിയ, നുസൈറത്ത്, ഗാസ സിറ്റി എന്നിവിടങ്ങളിലും ആക്രമണം നടത്തി. 24 മണിക്കൂറിനിടെ ഗാസയില് ഇസ്രയേല് നടത്തിയ ആക്രമണത്തില് 160 പേർക്ക് ജീവൻ നഷ്ടമായി. റഫയില് നടത്തുന്ന ആക്രമണം ഇസ്രയേല് ഉടന് അവസാനിപ്പിക്കണമെന്ന് കഴിഞ്ഞ ദിവസം അന്താരാഷ്ട്ര നീതിന്യായ കോടതിയുടെ ഉത്തരവിട്ടിതിന് പിന്നാലെയാണ് ഇസ്രയേൽ ആക്രമണം അഴിച്ചുവിട്ടത്.
പ്രതികരിക്കാൻ ഇവിടെ എഴുതുക