തിരുവന്തപുരം: കുവൈത്തിലെ തൊഴിലാളി ക്യാമ്പിലുണ്ടായ തീപിടിത്തത്തില് മരിച്ച മലയാളികളുടെ കുടുബത്തിന് ധനസഹായം പ്രഖ്യാപിച്ച് വ്യവസായികളായ എംഎ യൂസഫലിയും രവിപിള്ളയും. മരണമടഞ്ഞവരുടെ കുടുംബങ്ങള്ക്ക് അഞ്ച് ലക്ഷം രൂപ വീതം യൂസഫലിയും രണ്ട് ലക്ഷം രൂപ വീതം രവിപിളളയും നല്കും. ഇവര് ഇക്കാര്യം മുഖ്യമന്ത്രിയെ അറിയിച്ചു. നോര്ക്ക മുഖേനയാണ് ഈ സഹായം ലഭ്യമാക്കുക.
കേന്ദ്ര, സംസ്ഥാന സര്ക്കാരുകളുടെത് ഉള്പ്പടെ, ഇതോടെ ഒരു കുടുംബത്തിന് 12 ലക്ഷം രൂപയാണ് സഹായം ലഭിക്കുക. കുവൈത്തിലെ ദുരന്തത്തില് 24 മലയാളികള് മരിച്ചതായി നോര്ക്ക സിഇഒ അജിത് കോളശേരി പറഞ്ഞു. കുവൈത്തിലെ നോര്ക്ക ഡെസ്കില് നിന്നാണ് ഈ വിവരം ലഭിച്ചതെന്നും ഇവരെ തിരിച്ചറിഞ്ഞതായും അദ്ദേഹം കൂട്ടിച്ചേര്ത്തു.
ഏഴ് മലയാളികളുടെ നില അതീവ ഗുരുതരമായി തുടരുകയാണെന്നാണ് വിവരം. അതേസമയം മൃതദേഹങ്ങള് കൊണ്ടുവരാന് ശ്രമം തുടരുകയാണ്. കുവൈറ്റ് സര്ക്കാരുമായി ചേര്ന്ന് എല്ലാ ശ്രമവും നടത്തും. തുടര് സഹായം ചര്ച്ച ചെയ്യുമെന്നും നോര്ക്ക സെക്രട്ടറി വാര്ത്താസമ്മേളനത്തില് പറഞ്ഞു.
ഇന്ന് ചേര്ന്ന പ്രത്യേക മന്ത്രിസഭായോഗത്തിലാണ് കുവൈത്തിലെ തീപിടിത്തത്തില് മരണമടഞ്ഞ മലയാളികളുടെ കുടുംബാംഗങ്ങള്ക്ക് അഞ്ച് ലക്ഷം രൂപ വീതം ധനസഹായം നല്കാന് തീരുമാനമുണ്ടായത്. പരിക്കേറ്റ മലയാളികള്ക്ക് ഒരു ലക്ഷം രൂപ വീതം നല്കാനും തീരുമാനിച്ചു.
സാധ്യമായ എല്ലാ സഹായങ്ങളും അപകടത്തില്പ്പെട്ടവര്ക്ക് ലഭ്യമാക്കാന് നോര്ക്കയുടെ ആഭിമുഖ്യത്തിലും പ്രവാസികളുടെ മുന്കൈയിലും ശ്രമം നടക്കുന്നുണ്ട്. ഹെല്പ്പ് ഡെസ്ക്കും ഗ്ലോബല് കോണ്ടാക്ട് സെന്ററും മുഴുവന് സമയവും പ്രവര്ത്തിക്കുന്നുണ്ട്. ഇന്ത്യ ഗവണ്മെന്റ് കുവൈത്തില് നടത്തുന്ന ഇടപെടലുകളില് സംസ്ഥാന സര്ക്കാര് പൂര്ണ്ണപിന്തുണ നല്കും. കേരളത്തിന്റെ ഡല്ഹിയിലെ പ്രതിനിധി പ്രൊഫ. കെ വി തോമസ് വിദേശ മന്ത്രാലയവുമായി നിരന്തരം ബന്ധം പുലര്ത്തുന്നുണ്ട്.
ആരോഗ്യ വകുപ്പ് മന്ത്രി വീണാ ജോര്ജ്ജ് അടിയന്തിരമായി കുവൈത്തിലേക്ക് യാത്ര തിരിക്കും. സ്റ്റേറ്റ് മിഷന് ഡയറക്ടര് (എന്എച്ച്എം) ജീവന് ബാബു അനുഗമിക്കും.മരിച്ചവരുടെ മൃതദേഹങ്ങൾ നാട്ടിലേക്കെത്തിക്കാനുള്ള നടപടികൾ നടക്കുകയാണ്.
അതേസമയം, മരിച്ച മലയാളികള് അടക്കമുള്ള ജീവനക്കാരുടെ കുടുംബത്തിന് എട്ട് ലക്ഷം രൂപ ധനസാഹായം പ്രഖ്യാപിച്ച് എന്ബിടിസി. അപകടത്തില് മരിച്ചവരുടെ ആശ്രതിര്ക്ക് ജോലിയും മറ്റ് ആനുകൂല്യങ്ങളും നല്കുമെന്നും കമ്പനി അറിയിച്ചു. തൊഴിലാളികളുടെ ഇന്ഷുറന്സ് പരിരരക്ഷ തുക,മറ്റ് ആനുകൂല്യങ്ങള് എന്നിവയെല്ലാം ഉടനെ തന്നെ ലഭ്യമാക്കുമെന്നും അധികൃതര് അറിയിച്ചു.
പ്രതികരിക്കാൻ ഇവിടെ എഴുതുക