നിരവധി ആരോഗ്യഗുണങ്ങൾ ഉൾപ്പെടുന്ന ഒരു പച്ചക്കറിയാണ് വെണ്ടയ്ക്ക. പല രീതികളില് വെണ്ടയ്ക്ക ഭക്ഷണക്രമത്തില് ചേർക്കാറുണ്ട്. തോരന് വച്ചോ സ്റ്റൂവോ സൂപ്പോ ആക്കിയോ സാമ്പാര് ഉൾപ്പടെയുള്ള കറികളില് ചേര്ത്തോ ഒക്കെ വെണ്ടയ്ക്ക ഉപയോഗിക്കാൻ കഴിയും.
ഭാരം നിയന്ത്രിക്കാൻ ശ്രമിക്കുന്നവര് ഉറപ്പായും കഴിക്കേണ്ട പച്ചക്കറിയാണ് വെണ്ടയ്ക്ക. ഇതില് കലോറി വളരെ കുറവും ഫൈബര് ഉയര്ന്ന തോതിലുമാണ്. ഇത് വയര് നിറഞ്ഞതായി തോന്നലുണ്ടാക്കുന്നത് അനാവശ്യമായി ഭക്ഷണം കഴിക്കാനുള്ള പ്രവണത ഒഴിവാക്കും. വെണ്ടയ്ക്കയിലെ ഫൈബര് ദഹനസംവിധാനത്തെ മെച്ചമാക്കി മലബന്ധം പോലുള്ള പ്രശ്നങ്ങള് ഇല്ലാതാക്കുന്നു. സജീവമായ ദഹനസംവിധാനത്തിനും വെണ്ടയ്ക്ക നല്ലതാണ്.
ഫ്ളാവനോയ്ഡുകള്, പോളിഫെനോളുകള് പോലുള്ള ആന്റി ഓക്സിഡന്റുകള് അടങ്ങിയ വെണ്ടയ്ക്ക കോശങ്ങളെ ഓക്സിഡേറ്റീവ് സ്ട്രെസില്നിന്ന് രക്ഷിക്കുകയും മാറാത്ത രോഗങ്ങള്ക്കുള്ള സാധ്യതയും ശരീരത്തിലെ നീര്ക്കെട്ടും കുറയ്ക്കുകയും ചെയ്യുന്നു. ഇതിൽ കാണപ്പെടുന്ന വൈറ്റമിന് സി ശ്വേതരക്ത കോശങ്ങളുടെ ഉല്പാദനത്തെ പ്രചോദിപ്പിച്ച് പ്രതിരോധ സംവിധാനത്തെ ശക്തമാക്കും.
ഗര്ഭിണികള്ക്ക് വെണ്ടയ്ക്കയില് അടങ്ങിയിരിക്കുന്ന ഫോളേറ്റ് വളരെ നല്ലതാണ്. ഗര്ഭസ്ഥ ശിശുവില് ഉണ്ടാകാവുന്ന ന്യൂറല് ട്യൂബ് അപാകതകളെ ഇത് നിയന്ത്രിക്കുന്നു. വെണ്ടയ്ക്കയിലെ ഫൈബര് രക്തത്തിലെ പഞ്ചസാരയുടെ തോതിനെയും നിയന്ത്രിക്കാന് സഹായകമാണ്. പ്രമേഹ രോഗികള്ക്കും ഇതിനാല് വെണ്ടയ്ക്ക വളരെ നല്ലതാണ്.
പ്രതികരിക്കാൻ ഇവിടെ എഴുതുക