കേരള തമിഴ്നാട് തീരങ്ങളില് ശക്തമായ കാറ്റിനും മഴയ്ക്കും സാധ്യത ഉള്ളതായി കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. കന്യാകുമാരിക്ക് തെക്ക് രൂപപ്പെടുന്ന ന്യൂനമര്ദ്ദം അടുത്ത 48 മണിക്കൂറിനിടയില് തീവ്ര ന്യൂനമര്ദ്ദമാകുമെന്നാണ് നിരീക്ഷണ കേന്ദ്രത്തിന്റെ മുന്നറിയിപ്പ്.
മുന്നറിയിപ്പിന്റെ പശ്ചാത്തലത്തില് കേരള തീരത്ത് കൂടുതല് ജാഗ്രത പുലര്ത്താന് മുഖ്യമന്ത്രി എല്ലാ വകുപ്പുകള്ക്കും നിര്ദ്ദേശം നല്കി. കാറ്റിന്റെ വേഗം മണിക്കൂറില് 60 കിലോമീറ്റര് വരെയാകാന് സാധ്യത ഉള്ളതിനാല് മത്സ്യത്തൊഴിലാളികള് ജാഗ്രത പാലിക്കണണെന്നും മുന്നറിയിപ്പുണ്ട്.
മത്സ്യതൊഴിലാളികള് കടലില് പോകരുതെന്ന സംസ്ഥാന ദുരന്തനിവാരണ അതോറിറ്റിയുടെ നിര്ദേശം കര്ശനമായി നടപ്പാക്കണമെന്നും മുഖ്യമന്ത്രി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക