യുവതിയെ സീലിങ് ഫാനില് കെട്ടിയിട്ട് ഭര്ത്താവിന്റെ ക്രൂരമര്ദ്ദനം. സ്ത്രീധനത്തിന്റെ പേരിലാണ് ഈ ക്രൂരത. യുവതിയെ ക്രൂരമായി മര്ദ്ദിക്കുന്ന വീഡിയോ ഭര്ത്താവ് സ്വയം ചിത്രീകരിക്കുകയും യുവതിയുടെ വീട്ടുകാര്ക്കു അയച്ച് കൊടുത്ത് സ്ത്രീധനം ആവശ്യപ്പെടുകയുമായിരുന്നു. വീട്ടുകാരില് നിന്നും 50,000 രൂപ വാങ്ങിനല്കാന് ഭര്ത്താവ് ആവശ്യപ്പെട്ടത് യുവതി നിരസിച്ചതിനെ തുടര്ന്നായിരുന്നു കെട്ടിയിട്ടുള്ള അക്രമം.
സംഭവത്തിന്റെ മുഴുവന് ദൃശ്യങ്ങളും പകര്ത്തി ഭര്ത്താവ് യുവതിയുടെ സഹോദരന് അയച്ച് സ്ത്രീധനം നല്കാന് ആവശ്യപ്പെടുകയായിരുന്നു. ബെല്റ്റുകൊണ്ടുള്ള കടുത്ത ആക്രമണത്തെ തുടര്ന്ന് യുവതി ബോധരഹിതയായിരുന്നു.
‘3-4 മണിക്കൂറുകളോളം എന്നെ ക്രൂരമായി മര്ദ്ദിച്ചതിനെ തുടര്ന്ന് എനിക്ക് ബോധം നഷ്ടപ്പെട്ടിരുന്നു. ബോധം തിരിച്ചുകിട്ടിയപ്പോള് എന്നെ സീലിങ് ഫാനില് ബന്ധിച്ചിരിക്കുകയായിരുന്നു’, യുവതി പറഞ്ഞു. ‘ഞാന് വിദ്യാഭ്യാസമില്ലാത്തവളാണ്. അതുകൊണ്ടാണ് ഞാന് ഈ അവസ്ഥയിലായത്’ , യുവതി കൂട്ടിച്ചേര്ത്തു.
ഭര്ത്താവിനും നാല് കുടുംബാംഗങ്ങള്ക്കുമെതിരെ സ്ത്രീധന നിരോധന നിയമം പ്രകാരം കേസ് രജിസ്റ്റര് ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക